دہلی کی ایک خصوصی عدالت نے کانگریس کے سینیئر رہنما اور سابق مرکزی وزیر خزانہ پی چدمبرم اور ان کے بیٹے کارتی چدمبرم کو ایئرسیل میکسس معاملے میں ای ڈی اور سی بی آئی مقدمات میں پیشگی ضمانت دی ہے۔
اس سے قبل آج ہی سپریم کورٹ نے پی چدمبرم کی عرضی کو خارج کرتے ہوئے عبوری ضمانت دینے سے انکار کردیا تھا۔
سپریم کورٹ نے کہا تھا 'شروعاتی مرحلے میں پیشگی ضمانت عرضی دینا جانچ کو نقصان پہنچا سکتا ہے۔ یہ پیشگی ضمانت دینے کے لیے ایک مناسب معاملہ نہیں ہے۔ معاشی جرائم الگ الگ سطح پر ہیں اور اسے الگ نظریہ کے ساتھ نمٹایا جانا چاہیے۔'
یاد رہے کہ مرکزی سرکار کے وکیل اور اس معاملے میں ای ڈی کے وکیل تشار مہتا بھی کورٹ نمبر 6 میں پہنچے تو وہیں پی چدمبرم کی طرف سے کپل سبل اور ابھیشک منو سنگھوی بھی موجود رہے۔