'ایک شام پلوامہ حملے میں ہلاک ہوئے جوانوں کے نام '

ریاست کرناٹک کے ضلع یادگیر کے گرمٹکال ٹاؤن میں اہلیان گرمٹکال کے زیراہتمام ایک شام پلوامہ حملے میں ہلاک ہوئے سی آر پی ایف اہلکاروں کے نام سے نعتیہ وادبی مشاعرے کا اہتمام کیا گیا۔

مشاعرے کے آغاز میں پلوامہ میں ہلاک ہوئےجوانوں کے احترام میں کھڑے ہو کر 2 منٹ کی خاموشی اختیار کی اور انہیں خراج عقیدت پیش کیا۔

اس موقع پر اعظم اثر، قاضی انور، حامد سلیم، فضل افضل، افتخار عبید، راشد ریاض، مقیم باگ، نور دلکش، مسرور نظامی، وحید راز، نوید انجم، شاہد، ڈاکٹر رفیق، سوداگر، شکیل ظہیر آبادی، اوصاف مجاہد، خادم اظہر منان رہبر، وہ دیگر کرناٹک آندھراپردیش تلنگانہ مہاراشٹر سے آئے مہمان شعراء کے علاوہ مقامی شعرائے کرام نے اپنے منتخب کلام سے سامعین کو محظوظ کیا۔

اس مشاعرے کی خاص بات یہ رہی کہ مشاعرے میں شامل تمام شعراء کرام نے قومی یکجہتی، امن و امان، وطن پرستی، وہ بھائی چارگی پر مشتمل کلام سنا کر سامعین کا دل جیت لیا۔
مشاعرے کی صدارت معروف شاعر استاذ محب کوثر نے کی۔