آندھراپردیش: چتور میں سڑک حادثہ

آندھراپردیش کے ضلع چتور میں پیش آئے سڑک حادثے میں 8افراد زخمی ہوگئے۔

یہ حادثہ ضلع کے چتور کے چندراگری منڈل کے تونڈاواڈا کے قریب پیر کی صبح کی اولین ساعتوں میں اُس وقت پیش آیا جب تمل ناڈو آرٹی سی کی بس نے آٹو کو ٹکر مار دی۔
یہ افراد تمل ناڈو کی ایک مندر جاکر واپس ہورہے تھے۔ یہ بس تروپتی واپس ہورہی تھی۔ زخمیوں کو علاج کے لئے تروپتی کے رویا ہسپتال منتقل کیا گیا جن میں سے تین زخمیوں کی حالت کے تشویشناک ہونے پر ان کو پرائیویٹ ہسپتال لے جایاگیا۔
زخمیوں کی شناخت کے نیلاکانتا،ایم مدھوسدن نائیڈو،ایم سی نائیڈو،وی لوکیش،ایم گوپال نائیڈو،ایم سوگونا،ایم تلسماں اور ایم سنیتا کے طورپر کی گئی ہے۔ان میں سے گوپال نائیڈو،مدھوسدن نائیڈو اور نیلاکانتا نائیڈو شدید زخمی ہیں جن کی حالت تشویشناک بتائی جاتی ہے۔
اس حادثہ کے فوری بعد تمل ناڈو آرٹی سی کی بس کا ڈرائیور اور کنڈکٹر فرار ہوگئے۔
سڑک حادثات سے بچنے کے لیے ٹرافک قوانین پر عمل آواری کی ضرورت اور شعور بیداری کی ضرورت ہے۔ کئی سڑک حاثات تیزر رفتار گاڑی چلانے سے بھی پیش آئے ہیں۔ زیادہ افراد کی سواری لیکر جانے سے بھی حادثے ہوئے ہیں۔