مہاراشٹر: اورنگ آباد کو نمایاں خدمات کے لیے ایوارڈز

اورنگ آباد شہر کو اردو ادب کا گہوارہ کہا جاتا ہے۔ اس کی تازہ مثال مہاراشٹر اسٹیٹ اردو ساہتیہ اکادمی کی جانب سے دیے گئے وہ ایوارڈز ہیں جو اورنگ آباد کے حصے میں آئے ہیں۔

مہاراشٹر اسٹیٹ اردو ساہتیہ اکادمی کی جانب سے اردو زبان و ادب میں نمایاں خدمات انجام دینے والوں کی حوصلہ افزائی کے لیے سنہ 2017۔18 کے ایوارڈز کا اعلان کیا گیا ہے۔

اس ایوارڈ کے لیے مختلف شعبوں میں خدمات انجام دینے ولے اورنگ آباد شہر کے 10 افراد کو بھی شامل کیا گیا ہے۔

اورنگ آباد شہر کے لوگوں کو ایوارڈ دیے جانے سے ادبی اور تعلیمی حلقوں کی جانب سے مسرت کا اظہار کیا گیا ہے۔

اورنگ آباد شہر کو اردو ادب کا گہوارہ کہا جاتا ہے۔ اس کی تازہ مثال مہاراشٹر اسٹیٹ اردو ساہتیہ اکادمی کی جانب سے دیے گئے وہ ایوارڈز ہیں جو اورنگ آباد کے حصے میں آئے ہیں۔

ریاستی حکومت کی فہرست کے مطابق اردو کی ہمہ جہت ترقی کے لیے جن محبان اردو کو ایوارڈ کے لیے نامزد کیا گیا ان میں اورنگ آباد کے چار افراد شامل ہیں۔

اردو ادب سانئس فکشن اور تاریخ پر اورنگ آباد شہر میں غیر معمولی کام ہورہا ہے اس بات کا اندازہ اس بات سے لگایا جاسکتا ہیکہ تحقیق و تنقید اور سانئسی ادب کے میدان میں پانچ ادیبوں کی کتابوں کو ایوارڈ کے لیے منتخب کیا گیا ہے۔

یہ افراد مختلف تعلیمی اداروں سے وابستہ ہیں اور اپنے تئیں اردو کی خدمات میں مصروف ہیں، شہر میں ایوارڈ یافتگان کی گلپوشیوں اور تہنیت کا سلسلہ جاری ہے۔

جلد ہی ریاست کے وزیراعلی دیویندر فڑنویس کی موجودگی میں ایک تقریب میں ایوارڈس تقسیم کیے جائیں گے اس بات کی جانکاری اردو ساہتیہ اکادمی کے چیئرمین ڈاکٹر احمد رعنا نے دی۔