ریاست کرناٹک کے مجلس اتحاد المسلمین شاخ بیدر کے صدر منصور احمد قادری نے ای ٹی وی بھارت سے بات کرتے ہوئے کہا کہ ان دنوں ریاست کے مختلف اضلاع میں لوگوں کے درمیان نفرت پیدا کرنے کی کوشش کی جارہی ہے۔ Aimim Condemns The Ban On Hijab
'ایم آئی ایم اسکولوں اور کالجوں میں حجاب پر پابندی کی سخت مذمت کرتی ہے' انہوں نے اسکولوں میں حجاب پر پابندی کے تعلق کہا کہ پہلے لوگوں کے کھانے پینے پر پابندی لگانے کی بات کہی جا رہی تھی، اب پہننے اوڑھنے پر بھی پابندی لگانے کی بات کی جا رہی ہے۔
انہوں نے کہا کہ حجاب پر پابندی لگانے کی بات کرنا لوگوں کو خوف زدہ کرنے کے برابر ہے، ہمارے ملک میں ہر آدمی کو اپنے لحاظ سے کھانے پینے اور رہنے بسنے کا مکمل حق حاصل ہے اور یہ حق خود ملک کے آئین نے دیا ہے لیکن چند فرقہ پرست عناصر ریاست میں نفرت کے بیج بو کر یہاں کی پرُامن فضا کو خراب کرنا چاہتے ہیں۔
انہوں نے کہا کہ ایسے معاملات میں ریاستی وزیر تعلیم کو سخت اقدام کرنا چاہئے۔ کالج اور اسکول میں اس طرح کی پابندیوں سے متعلق معلومات حاصل کریں اور ایسے اسکولوں اور کالجوں کے خلاف سخت اقدام کریں، جس سے ریاست میں امن کی فضا مکروہ ہوتی ہو اور ایک دوسرے کے مذاہب کے ماننے والوں کے جذبات مجروح ہوتے ہوں۔
انہوں نے کہا کہ مجلس اتحاد المسلمین اسکولوں اور کالجوں میں حجاب پر پابندی کی سخت مذمت کرتی ہے، انہوں نے مزید کہا کہ ریاستی حکومت اور وزیر تعلیم کو چاہیے کہ وہ ریاست کے کالجوں اور اسکولوں میں لڑکیوں کے حجاب سے متعلق معاملات کی نوٹس لے اور اس کے خلاف سخت کارروائی کرے۔