پٹاخے کے گودام میں مبینہ دھماکہ، دو افراد کی موت

Two Died In Fire Incident In Muzaffarnagar مظفر نگر کے کھتولی تھانہ علاقے کے کیلاواڑا کلاں گاؤں میں پٹاخے کے گودام میں دھماکے کے بعد آتشزدگی کا واقعے میں دو افراد کی موت ہوگئی۔ اس واقعے کے بعد علاقے میں سنسنی پھیل گئی۔ پولیس پورے معاملے کی تفتیش کر رہی ہے۔

مظفرنگر:ریاست اتر پردیش کے ضلع مظفر نگر کے کھتولی تھانہ علاقے کے کیلاواڑا کلاں گاؤں میں اج سویرے دن نکلتے ہی ایک بڑا حادثہ پیش آیا۔دھماکہ اتنا زوردار تھا کہ دھماکہ کی آواز کئی کیلومیٹر دوڑ تک سنا گیا اور افراتفری پھیل گئی۔ دھماکہ پٹاخے کے گودام میں آگ لگنے کے باعث ہوا۔ اس میں دو نوجوانوں کی موت ہو گئی۔

بتایا جا رہا ہے کہ آتش بازی کا گودام شاداب ولد شکیل کا ہے۔آتش بازی کے گودام میں دھماکہ پیر کی صبح آگ لگنے سے ہوا۔ اس دوران مکان کی چھت گر گئی۔ اس حادثے میں دو لڑکوں کی جھلسنے سے موت ہوگئی۔

پولیس نے گاؤں والوں کی مدد سے دونوں لاشوں کو ملبے سے باہر نکالا۔ جس میں کاریگر بٹو جھلس گیا۔ اسے ہسپتال بھیج دیا گیا۔ دھماکے سے قریبی کے گھروں میں دراڑیں پڑ گئیں۔

پولیس کے اعلی افسران بھی موقع پر پہنچ گئے اور جائے حادثہ کا معائنہ کیا۔ لوگوں سے واقعہ اور گھر میں جمع ہونے والے آتش بازی کے سامان کے بارے میں معلومات حاصل کی بتایا کہ دونوں بچے پٹاخے کے گودام میں کام کرتے تھے۔

زوردار دھماکے سے گاؤں میں افراتفری مچ گئی۔ پولیس نے لاشوں کو قبضے میں لے کر پوسٹ مارٹم کے لیے بھیج دیا۔ پولس معاملے کی تحقیقات کر رہی ہے۔ یہ بھی دیکھا جا رہا ہے کہ آتش بازی کا کام لائسنس کے ساتھ ہو رہا تھا یا نہیں۔