حیدرآباد: جنوبی بھارت میں واقع حیدرآباد شہر کی پہچان بلند میناروں اور گنبدوں سے ہے، ان بلند میناروں پر کبوتروں کا بسیرا ہوتا ہے۔ کبوتر ایک ایسا خوبصورت اور دلکش پرندہ ہے جو ہر کسی کو اچھا لگتا ہے۔ اسی وجہ سے یہ پرندہ اکثر گھروں میں پالا جاتا ہے اور یہ پرندہ گھروں، مساجد اور درگاہوں پر بھی موجود ہوتا ہے۔ کہتے ہیں کہ کبوتر وہ جانور ہے جس کے لئے حضرت نوح ؑ نے امن و سلامتی کی دعا مانگی تھی اور یہی وجہ ہے کہ کبوتر انسانی آبادی سے مانوس ہے۔
حیدرآباد دکن کا بھارت کے قدیم شہروں میں شمار ہوتا ہے، شہر حیدرآباد میں لوگوں میں کبوتر پالنے کا شوق بڑا دلچسپ ہے۔ چھوٹے نظام میر محبوب علی خان بہادر کو کبوتر پالنے کا شوق تھا، انہوں نے حیدرآباد میں کئی کبوتر خانہ تعمیر کروایا تھا۔ قطب شاہی اور آصف جاہی دور کی قدیم مساجد پر کبوتروں کے رہنے کے لیے کبوتر خانہ تعمیر کیا جاتا تھا، جس میں آج بھی کبوتر رہتے ہیں۔
شہر حیدرآباد میں فی الوقت بھی کبوتروں کو پالنے والے محمد خلیل کا تعلق حیدرآباد کے پرانے شہر کے علاقے علی جاہ کوٹلہ سے ہے۔ ان کے پاس آج بھی ہزاروں اقسام کے کبوتر موجود ہیں۔ جن میں ریسنگ کبوتر کی نسل موجود ہیں، جو حضرت نوح علیہ السلام کی کشتی میں سوار تھے۔ اس کے علاوہ عربی، ترکی، دکنی، دہلی، راجستھان کلکتہ و دیگر ریاستوں کے ہزاروں اقسام کے کبوتر موجود ہے۔