تلنگانہ کے سی ایم ریونت ریڈی نے راموجی گروپ کے چیئرمین راموجی راؤ سے ملاقات کی

Revanth Reddy Met Ramoji Rao: وزیر اعلیٰ اے ریونت ریڈی نے پیر کو حیدرآباد کے مضافات میں واقع راموجی فلم سٹی میں راموجی گروپ کے چیئرمین راموجی راؤ سے ملاقات کی۔

حیدرآباد:ریاست تلنگانہ کے وزیر اعلیٰ ریونت ریڈی نے راموجی گروپ کے چیئرمین راموجی راؤ سے ملاقات کی۔ وزیر اعلیٰ اے ریونت ریڈی نے پیر کو حیدرآباد کے مضافات میں واقع راموجی فلم سٹی میں راموجی گروپ کے چیئرمین راموجی راؤ سے ان کے گھر پر ملاقات کی۔ اس درمیان ان دونوں نے مبینہ طور پر ریاستی اور قومی سطح کی سیاست پر تبادلۂ خیال کیا۔ ریونت ریڈی کے ساتھ سی ایم کے چیف ایڈوائزر ویم نریندر ریڈی اور ابراہیم پٹنم کے ایم ایل اے مالریڈی رنگا ریڈی بھی تھے۔ ایناڈو کے ایم ڈی سی کرون بھی میٹنگ میں موجود تھے۔

20912053

بتایا گیا ہے کہ تلنگانہ کے چیف منسٹر ریونت ریڈی نے پیر کی دوپہر راموجی گروپ آف کمپنیز کے چیئرمین راموجی راؤ سے ملاقات کی۔ عادل آباد کا دورہ مکمل کرنے کے بعد وزیراعلیٰ حیدرآباد پہنچے اور سیدھے راموجی فلم سٹی گئے۔ سی ایم اور راموجی راؤ نے مختلف مسائل پر تبادلۂ خیال کیا۔ انہوں نے نئی حکومت کے اقتدار سنبھالنے کے بعد تلنگانہ کی ترقی اور 'پرجا پالنا' سمیت پالیسیوں کے بارے میں بھی بات کی۔ سمجھا جارہا ہے کہ سی ایم ریونت ریڈی اور راموجی راؤ نے ملک کی موجودہ سیاسی صورتحال پر بھی تبادلۂ خیال کیا۔ ایناڈو کے ایم ڈی کرن، سی ایم کے چیف ایڈوائزر ویم نریندر ریڈی اور ابراہیم پٹنم کے ایم ایل اے مالریڈی رنگا ریڈی بھی موجود تھے۔

واضح رہے کہ قبل ازیں اگست 2022 کے تیسرے ہفتہ میں ریاست تلنگانہ کے دورہ کے درمیان ہوم منسٹر امت شاہ نے راموجی فلم سٹی کا دورہ کیا تھا۔ اس دوران انہوں نے فلم سٹی کے فاؤنڈر و چیئرمین راموجی راؤ سے ملاقات کی تھی۔ اس وقت بتایا گیا تھا کہ یہ ایک خیر سگالی ملاقات تھی۔

یہ بھی بتادیں کہ گزشتہ سال اکتوبر کے پہلے ہفتہ میں بی جے پی کے قومی صدر جے پی نڈا نے راموجی گروپ آف کمپنیز کے فاؤنڈر وچیئرمین راموجی راؤ سے راموجی فلم سٹی میں واقع ان کی رہائش گاہ پر ملاقات کی تھی۔ وہ اس سے ایک روز قبل ہی حیدرآباد آئے تھے۔ جے پی نڈا نے ایکس پلیٹ فارم پر اس میٹنگ سے متعلق معلومات اور تصاویر شیئر کی تھی۔ جے پی نڈا نے کہا تھا کہ راموجی راؤ ایک وژنری ہیں اور میڈیا وسنیما کے شعبوں میں ان کا کام متاثر کن ہے۔ اس ملاقات کے دوران سابق مرکزی وزیر پرکاش جاوڈیکر بھی نڈا کے ساتھ موجود تھے۔