بنگلور سینٹرل حلقہ میں منصور علی خان کے لیے عوامی حمایت بڑھ رہی ہے - Bangalore Central LS Constituency

Congress Gains Momentum Against BJP in Karnataka: لوک سبھا انتخابات 2024 کے لیے بنگلور سینٹرل حلقہ میں منصور علی خان کے لیے عوامی حمایت بڑھ رہی ہے۔ مبصرین کا کہنا ہے کہ بی جے پی کی تفرقہ انگیز سیاست کے خلاف کانگریس نے زور پکڑا اور اس کی لہر کرناٹک میں کلین سویپ کرنے والی ہے۔

بنگلور:کرناٹک سے کانگریس کی جانب سے پارلیمنٹ الیکشن کے میدان میں اتارے گئے واحد مسلم امیدوار منصور علی خان کی الیکشن مہم زور و شور سے چل رہی ہے۔ شہر کے سبھی کانگریس ایم ایل ایز و منسٹرز کی جانب سے منصور علی خان کے لیے خوب تر مدد کی جارہی ہے۔ انتخابی مہم کے دوران منسٹر ضمیر احمد خان نے منصور علی خان کی زبردست تائید کی اور پی ایم نریندر مودی پر شدید حملہ کیا۔ انہوں نے کہا کہ گزشتہ 10 سالوں میں مودی حکومت نے اپنے نفرتی نظریہ سے ہندو اور مسلم کرکے ملک کی گنگا جمنی تہذیب کو خوب توڑنے کی سازشیں رچی، لیکن اس بار عوام انہیں سبق سکھائے گی اور اقتدار سے اکھاڑ پھینکے گی۔

دیکھا یہ جارہا ہے کہ بنگلور سینٹرل حلقہ کے مختلف مقامات پر، کیا ہندو کیا مسلم، سبھی حلقہ کے امیدوار منصور علی خان کی تعلیمی صلاحیت و خدمات کے جذبہ سے متاثر ہیں، جب کہ حلقہ بی جے پی ایم پی، پی سی موہن سے سخت ناراض ہے، عوام کا کہنا ہے کہ اس بار بی جے پی کی نفرتی سیاست کو شکست دی جائے گی اور یہ کہ نہ صرف بنگلور سینٹرل حلقہ بلکہ پوری ریاست میں کانگریس کی لہر ہے، لہٰذا یہاں نفرت کے لیے کوئی جگہ نہیں ہے۔