پی اے سی کے دو سابق جوانوں کو عمر قید اور 50۔50 ہزار کا جرمانہ

Muzaffarnagar ADM Court مظفر نگر کے ایڈیشنل ڈسٹرکٹ مجسٹریٹ کی عدالت نے رام پور تیراہہ اجتماعی عصمت دری کیس میں دو پی اے سی کانسٹیبلوں کو قصوروار ٹھہرایا ہے اور انہیں عمر قید کے ساتھ ساتھ 50/50 ہزار روپے کا جرمانہ عائد کرنے نے کی سزا سنائی ہے۔

مظفر نگر:30 سال کے طویل انتظار کے بعد بالآخر عدالت نے رام پور تیراہا واقعہ میں اجتماعی جنسی زیادتی ، ڈکیتی، چھیڑ چھاڑ اور سازش کے معاملے میں اپنا فیصلہ سنایا ہے۔ 15 مارچ کو سزا سنائے جانے کے بعد عدالت نے اپنا فیصلہ محفوظ رکھتے ہوئے آج کی تاریخ مقرر کی تھی۔اس میں عدالت نے رام پور تیراہا واقعہ میں پی اے سی کے دونوں کانسٹیبلوں کو قصوروار ٹھہراتے ہوئے انہیں عمر قید کے ساتھ 50-50 ہزار روپے کے مالی جرمانے کی سزا سنائی۔

سماعت کے دوران ایڈیشنل ڈسٹرکٹ اینڈ سیشن کورٹ نمبر 7 کے پریذائیڈنگ افسر شکتی سنگھ نے اس واقعے کو جلیانوالہ واقعے سے ملتا جلتا بتایا جس نے ملک کو ہلا کر رکھ دیا تھا۔اس دوران انہوں نے یوپی پولیس کی تعریف کرتے ہوئے کہا کہ ملک کی سب سے بڑی ریاست کی پولیس اپنی خدمات میں سب سے آگے ہے اور ان دونوں پولیس اہلکاروں نے انہیں بدنام کرنے کا کام کیا ہے۔

عدالت نے یہ بھی تسلیم کیا ہے کہ دونوں ملزم کانسٹیبلوں کا طرز عمل ہمدردی کے لائق نہیں ہے۔ دونوں ملزمان کو دفعہ 376 جی، 323، 354، 392، 509 اور 120 بی کے تحت سزا سنائی گئی۔ عدالت نے قصوروار ملاپ سنگھ اور وریندر پرتاپ کو عمر قید کے ساتھ ساتھ 50۔50 ہزار روپے جرمانے کی سزا سنائی ہے۔ جس میں عدالت نے جرمانے کی پوری رقم متاثرہ کو دینے کا بھی حکم دیا ہے۔