عقیدت و احترام سے نکالا گیا محرم کا جلوس - Muharram Processions

ملک بھر میں 10 محرم الحرام یوم عاشورہ کو جلوس اور تقاریب منعقد کیے جاتے ہیں۔ جس میں مختلف طریقوں سے حضرت سیدنا امام حسینؓ کو خراج عقیدت پیش کیا جاتا ہے۔ حضرت سیدنا امام حسینؓ کی شہادت میدان کربلا میں شہادت ہوئی تھی۔

پورے ہندوستان کی طرح ریاست بہار کے ریشمی شہر بھاگلپور میں بھی محرم انتہائی عقیدت و احترام سے منایا گیا، شیعہ حضرات کا ماتمی جلوس بھاگلپور کے اسانند پور میں واقع بڑے امام باڑہ سے نکل کر شاہ جنگی میدان پر جاکر ختم ہوا۔ جلوس میں شامل عقیدت مندوں نے کربلا کے تاریخ ساز منظر کو یاد کیا اور اور شہیدان کربلا کی یاد میں کیے جا رہے ماتم سے منظر غمناک ہوگیا۔

بھاگلپور میں ہر سال کی طرح اس سال بھی محرم کے موقع پر سنی حضرات نے اپنا جلوس 10ویں تاریخ کی شب کو نکالا وہیں اہل تشیع حضرات کا ماتمی جلوس دوسرے دن دوپہر میں نکلا، اور یہی بھاگلپور کے محرم کی خاص پہچان ہے۔ شیعہ اور سنی حضرات کے دو الگ الگ دن جلوس نکالنے کا مقصد دونوں فرقوں کے درمیان کسی طرح ہونے والے ممکنہ ٹکراؤ کو روکنا ہے۔

اسلام میں بے جا تشدد کی کوئی گنجائش نہیں ہے لیکن کئی مقامات پر محرم کے موقعہ پر شیعہ اور سنیوں کے درمیان کشیدگی کی خبریں عام ہیں۔ اسی تصادم سے بچنے کے لیے بھاگلپور میں آپسی تال میل کا مظاہرہ کرتے ہوئے سنی اور شیعہ مسلمان اپنے اپنے جلوس دو الگ الگ دن نکالتے ہیں۔

واضح رہے کہ ملک بھر میں 10 محرم الحرام یوم عاشورہ کو جلوس اور تقاریب منعقد کیے جاتے ہیں۔ جس میں مختلف طریقوں سے حضرت سیدنا امام حسینؓ کو خراج عقیدت پیش کیا جاتا ہے۔ حضرت سیدنا امام حسینؓ کی شہادت میدان کربلا میں شہادت ہوئی تھی۔ آپؓ نے حق کی خاطر نہ صرف اپنی بلکہ اپنے اہل خانہ کی قیمتی جانوں کو نچھاور کیا تھا۔