'لین دین درست رکھیں، ملاوٹی سامان نہ بیچیں تو کوئی پریشانی نہیں ہوگی' مولانا ارشد مدنی کا نیم پلیٹ پر بیان

مولانا ارشد مدنی نانکا سہارنپور کے گندیورا میں واقع مدرسہ جامعہ شیخ عبدالستار میں ایک اجتماع سے خطاب کر رہے تھے۔

سہارنپور: جمعیۃ علماء ہند کے قومی صدر مولانا ارشد مدنی نے سہارنپور میں ایک جلسے سے خطاب کرتے ہوئے کہا کہ مسلمانوں کو اپنا لین دین بالکل درست رکھنا چاہیے اور انہیں کسی بھی قسم کا ملاوٹی سامان بیچنے سے گریز کرنا چاہیے۔ انہوں نے مسلم دکانداروں اور تاجروں سے کہا کہ جھوٹ بول کر سامان بیچنے کا کوئی فائدہ نہیں ہے۔

مدرسہ جامعہ شیخ عبدالستار میں اجتماع سے خطاب کرتے ہوئے انہوں نے ہوٹلوں اور ڈھابوں پر نام کی تختیاں لگانے کے یوگی حکومت کے حکم کا حوالہ دیتے ہوئے کہا کہ ہوٹل، ڈھابہ مالکان اپنا کاروبار ایمانداری اور سچائی سے کریں۔ ملاوٹی سامان اور غیر معیاری چیزیں نہ بیچیں، اپنے گاہکوں کے ساتھ منصفانہ لین دین کریں۔ اگر ایسا کرتے ہیں تو آپ کو کسی قسم کی پریشانی کا سامنا نہیں کرنا پڑے گا۔

مولانا ارشد مدنی نے اسی کے ساتھ تعلیم کی اہمیت پر بھی زور دیا۔ انہوں نے کہا کہ تمام علم صرف پڑھائی سے حاصل ہوتا ہے۔ ایسے میں آپ اپنے بچوں کی تعلیم ضرور دیں۔ تعلیم سے ہی ترقی ممکن ہے۔ کوئی معاشرہ جتنا زیادہ تعلیم یافتہ ہوتا ہے وہ اتنی ہی ترقی کرتا ہے۔

جامعہ شیخ عبدالستار کے اس پروگرام میں جمعیت علماء ہند کے ضلع صدر مولانا حبیب اللہ مدنی اور رائے پور خانقاہ سے شاہ عتیق احمد نے مدرسہ سے فارغ ہونے والے طلبہ کو اسناد سے سے نوازا۔