مدرسہ مفتاح العلوم میں سالانہ درس بخاری شریف

Madarsa Miftahul Uloomضلع شاملی کے جلال آباد میں عالمی شہرت یافتہ مدرسہ مفتاح العلوم میں سالانہ درس بخاری شریف کا اہتمام کیاگیا۔ اس موقع پر 100 سے زائد فارغین طالب علموں کی دستار بندی کی گئی۔ اس کے ساتھ ہی انہیں سند سے نوازا گیا۔

مظفرنگر:سالانہ اجلاس کی نظامت مولانا ایوب مفتاحی نے بخوبی انجام دی ۔صدرات جامعہ کے مہتمم قاری ولی اللہ شیروانی نے فرمائی تلاوت قاری محمد انعام مفتاح العلوم نے کی۔ مدرسہ کے تقریباً 82 طلباء جن میں افتاء اور مولوی حافظ بھی شامل تھے، ان کو دستار باندھ کر اور سند سے سرفراز کیا گیا۔ آٹھ طلبہ نے حفظ قرآن مکمل کیا۔

مولانا طاہر نےمعاشرے میں پھیلی برائیوں کی طرف توجہ مبذول کرائی۔انہوں نے کہا کہ اچھی باتوں کا حکم دیا جائے اور بری چیزوں سے روکا جائے۔ یہ ہر شخص کی ذمہ داری ہے جو اپنی ذمہ داری پوری نہیں کرے گا، اس سے اس کے بارے میں سوال کیا جائے گا۔

انہوں نے کہاکہ حضرت مولانا مسیح اللہ خان صاحب شیروانی رحمتہ اللہ علیہ کے مرشد عالمی مشہور بزرگ حضرت حکیم الامت مولانا اشرف علی تھانوی رحمتہ اللہ علیہ نے تقریباً 100 سال قبل اس مدرسہ کی بنیاد رکھی تھی۔ اس میں دنیا بھر سے طلباء یہاں سے علم حاصل کرکے فیضیاب ہوتے ہیں۔ مفتی طاہر نے کہا کہ خود بھی نیک اعمال کرنے کے ساتھ ساتھ دوسروں کو بھی نصیحت کرتے رہنا چاہیے۔ یہی ہمارے تمام مسائل کا حل ہے۔

انہوں نے کہا کہ آج ہم اپنی زندگیوں میں قرآن پڑھنے۔ سمجھنے اور احکامات الٰہی پر عمل کرنے میں انتہائی غافل ہو چکے ہیں جو کہ امت مسلمہ کے لیے ذلت و رسوائی کا باعث بن رہا ہے۔ زندگی تاریک میں گزر رہی ہے ۔انسان پریشان دکھائی دیتا ہے۔ اس کی اصل وجہ یہی ہے۔

مدرسہ کے مہتمم قاری ولی اللہ خان شیروانی نے اور ملک کی ترقی اور امن کے لیے دعا کی۔ پروگرام میں موجود شیخ الحدیث مولانا عقیل الرحمن مولانا رفیع الزماں، مفتی عبدالستار قاضی شہر مولانا شارق، مولانا وصی اللہ عرف آرزو میاں سید وقار فیض شیروانی قاری محبوب مفتی فرزان شیروانی، ذیشان کاظمی، عبدالرحمن صدیقی اخلاق ملک، فیصل ملک، ڈاکٹر برکات اللہ اور دیگر نے شرکت کی۔ قاری انعام مولوی واجد، مولانا ایوب مفتاحی اور دیگر موجود تھے۔