ایک بیٹھک میں مکمل قران مجید سنانے کی سعادت

Jamia Madrasa Madinatul Uloom بیدر میں واقع جامعہ اسلامیہ مدینتہ العلوم منیار تعلیم میں ایک طالب علم حافظ محمد فرقان ولد محمد امجد خان نے تین اساتذہ کی نگرانی میں ایک بیٹھک میں مکمل قرآن مجید سنانے کا سعادت حاصل کی ۔مدرسہ کے اساتذہ کے ساتھ ساتھ گھر والوں نے بھی اس کارنامے پر خوشی کا اظہار کیا ہے۔

بیدر : جامعہ اسلامیہ مدینتہ العلوم منیار تعلیم بیدر میں خوش نصیب طالبعلم حافظ محمد فرقان ولد محمد امجد خان بیدر نے تین اساتذہ کی نگرانی میں ایک بیٹھک میں مکمل قرآن مجید سنانے کی سعادت حاصل کی ۔

جامعہ کے صدر المدرسین مفتی شیخ فاروق احمد قاسمی اور نائب معتمد حضرت مولانا سید عبد الوحید قاسمی نے طالب علم کو دعاؤں سے نوازا اور ہمت افزائی کی ۔ استاد محترم حافظ محمد فہیم الدین فیضی کو مبارک باد پیش کی دعا فرمائیں اللہ تعالی جامعہ کو ترقیات سے نوازے ۔

ایک بیٹھک میں مکمل قران مجید سنانے کی سعادت

اس موقع پر صدر مدرس مفتی شیخ فاروق احمد قاسمی نے میڈیا سے بات چیت کرتے ہوئے کہا کہ یہ اللہ رب العزت کا احسان عظیم ہے کہ ہمیں دین کی خدمت کرنے کے لئے منتخب کیا ہے۔اللہ تبارک و تعالی نے ہمیں دین کی خدمات کرنے کا موقع عطا کیا ہے۔

انہوں نے کہا کہ طالب علم حافظ فرخان نے ایک بیٹھک میں قران پاک سنانے کی سعادت حاصل کی ہے۔ یقینا یہ اللہ تبارک و تعالی کا احسان عظیم ہے کہ اس نے ہمیں نعمت عطا کی ہے۔دینی مدارس دین کے قلعے ہیں۔ جب تک دینی مدارس قائم ہیں اللہ تبارک و تعالی اس کے کلام کو سینہ بہ سینہ اسی طرح منتقل کرتا رہے گا۔

ایک بیٹھک میں مکمل قران مجید سنانے کی سعادت

صدر مدرس مفتی شیخ فاروق احمد قاسمی نے مزید کہا کہ قران مجید کا پڑھنا عبادت ہے۔ دینی مدارس ،مساجد اور مکتب میں پڑھانے والے علماء کرام اسی دینی مدرسہ سے فارغ شدہ حفاظ عالم دین ہوا کرتے ہیں ۔