گجرات میں مدرسہ ایجوکیشن بورڈ نہیں ہےتو سروے کیوں کرایا جا رہا ہے؟ - Madrasa Survey In Gujarat

Jamaat Ulema Hind Gujarat Reaction جمعیت علماء ہند گجرات کے جنرل سیکرٹری نثار احمد انصاری نے کہاکہ گجرات میں مدرسہ ایجوکیشن بورڈ نہیں ہےتو سروے کیوں کرایا جا رہا ہے؟۔انہوں نے کہاکہ کس بنیاد پر گجرات میں 1100 سے زائد مدرسوں کا سروے کرایا جا رہا ہے۔

احمدآباد:جمعیت علماء ہند گجرات کے جنرل سیکرٹری نثار احمد انصاری نے کہاکہ گجرات میں جس طریقے سے مدارس کو سروے کا معاملہ چل رہا ہے۔ اس کے پیچھے کیا منشا ہے۔ وہ ابھی تک ظاہر نہیں ہو سکی ہے ۔البتہ رائٹ ٹو ایجوکیشن کے مطابق چھ سے 14 سال کے جو بچے ہیں وہ اسکول جا رہے ہیں یا نہیں اور بہت سے بچے اسکول نہ جا کے صرف مدرسے یا پاٹھ شالہ میں جاتے ہیں۔

انہوں نے کہاکہ اس کا سروے کیا جا رہا ہے تاکہ تمام بچوں کو اسکول میں داخلہ بھی مل سکے۔انہیں بنیادی تعلیم حاصل ہو۔ان بچوں کا سروے کر کے انہیں اسکول میں بھی داخلہ دیا جائے لیکن فارم میں جس طریقے سے مانگا گیا ہے کہ مدرسوں میں تعداد کتنی ہوتی ہے۔ تنخواہ کتنی ہے تو اس سے کوئی مطلب نہیں ہوتا کیونکہ مدرسوں کو سرکار گرانٹ نہیں ہے۔

ان کا کہنا ہے کہ دیتی گجرات میں مدرسہ ایجوکیشن بورڈ نہیں ہے اور نہ ہی سرکار کسی طرح سے مدارس کو امداد فراہم کرتی ہے تو مدارس کی تنخواہ کی کوئی ضرورت نہیں ہے لیکن جہاں مدرسہ بورڈ ہے اور سرکار گرانٹ دیتی ہے وہاں پر یہ چیزیں ضرور بتائی جا سکتی ہے۔

جمیعت علمائے ہند نے تمام مدارس والوں سے اپیل کی ہے کہ آپ سے جو بھی اطلاعات مانگی جائے اس میں سے جو ضروری ہے وہ آپ دے دیجئے ۔ہم نے اسکول جانے والے بچوں کے تمام لسٹ تیار کر کے دے دینے کا بھی کہا ہے۔ کچھ مدرسے ایسے ہیں جہاں اسکول بھی ساتھ میں چلتے ہیں ۔اس کی تفصیلی معلومات فراہم کرنے کی ہدایئت دی گئی ہے۔