جھارکھنڈ کے چکردھر پور ڈویژن میں ہاوڑہ-ممبئی میل ایکسپریس پٹری سے اتر گئی، دو افراد ہلاک - Train accident in jharkhand

Train accident in jharkhand جھارکھنڈ میں ایک بڑا ٹرین حادثہ پیش آیا ہے۔ ہاوڑہ-ممبئی میل ایکسپریس چکردھر پور ڈویژن کے بادامبو-راجکھرساوان ریلوے اسٹیشن کے درمیان پٹری سے اتر گئی۔ حادثہ میں اب تک دو افراد کے ہلاک ہونے کی اطلاع ہے۔

سرائی کیلا: چائباسا: جھارکھنڈ میں آج صبح ایک خوفناک ٹرین حادثہ پیش آیا جس میں دو مسافر ہلاک ہوگئے۔ جھارکھنڈ میں ٹرین حادثہ پیش آیا ہے۔ ہاوڑہ-ممبئی میل پتری سے اترگئی۔ یہ حادثہ چکردھر پور ڈویژن کے بادامبو-راجکھرساوان ریلوے اسٹیشن کے درمیان پیش آیا۔ حادثے میں دو افراد ہلاک جبکہ متعدد زخمی ہوئے ہیں۔ راحت اور بچاؤ کا کام جاری ہے۔ چکردھر پور پی آر ڈی کے مطابق دونوں مرنے والے مسافر ہاوڑہ ممبئی میل کی B4 کوچ میں سفر کر رہے تھے، دونوں مرد ہیں۔ دونوں کی شناخت کا ابھی تک ظاہر نہیں کی گئی۔

تفصیلات کے مطابق ہاوڑہ-ممبئی میل ٹرین نمبر 12810 منگل کی صبح 4.30 بجے ہاوڑہ-ممبئی روٹ پر چکردھر پور ڈویژن کے بادامبو-راجکھرساواں ریلوے اسٹیشن کے درمیان پوٹو بیڈا گاؤں کے قریب حادثے کا شکار ہوگئی۔ ٹرین کی چار جنرل بوگیوں کو چھوڑ کر باقی تمام بوگیاں پٹری سے اتر گئیں۔ اس میں کئی لوگوں کے زخمی ہونے کی اطلاع ہے۔ انتظامیہ نے جائے حادثہ پر پہنچ کر امدادی کام شروع کر دیا ہے۔

واقعہ کی اطلاع ملنے کے بعد سرائیکیلا کھرساواں کے ڈپٹی کمشنر روی شنکر شکلا بھی موقع پر پہنچ گئے۔ ریلوے کے سینئر افسران بھی جائے حادثہ پر موجود ہیں۔ ریلوے کی جانب سے فوری طور پر راحت اور بچاؤ کا کام شروع کر دیا گیا ہے۔ زخمیوں کو چکردھر پور اسپتال میں داخل کرایا جا رہا ہے۔ واقعہ کے وقت ریلوے کے زیادہ تر مسافر سو رہے تھے۔ جن میں سے کچھ واقعے کے بعد بوگی سے باہر نکل آئے۔ کچھ وہیں پھنسے رہے۔ جن کو بچایا جا رہا ہے۔ فی الحال ٹرین حادثے کی وجوہات معلوم نہ ہوسکی ہیں۔

مزید تفصیلات کا انتظار ہے۔