میرٹھ میں چلتی گاڑی میں لگی آگ ،چارلوگوں کی موت - Cng Car Caught Fire In Meerut

ضلع میرٹھ کے تھانہ جانی علاقے کے گنگ نہر کے راستے پر ایک چلتی گاڑی میں بھیانک آگ لگ گئی۔اس پرسوار تمام افراد جھلس کر ہلاک ہوگئے۔ اس واقعے کے بعد علاقے میں سنسنی پھیل گئی۔پولیس نے پورے معاملے کی تفتیش شروع کردی ہے۔

میرٹھ:ریاست اتر پردیش کے میرٹھ ضلع کے تھانہ جانی علاقے کے گنگ نہر کے راستے پر چلتی گاڑی میں آتشزدگی کا دردناک واقعہ پیش آیاہے۔ ضلع غازی آباد سے سینٹرو کار میں ایک مرد سمیت تین خواتین آتشزدگی کی زد میں آکر ہلاک ہوگئے۔یہ واقعہ اس وقت پیش آیا جب ایک گاڑی جانی علاقے کے گنگ نہر کے قریب سے گزر رہی تھی تبھی اس میں اچانک آگ لگ گئی۔

کار میں سوار کسی بھی شخص کو باہر نکلنے کا موقع نہیں مل سکا اور چاروں لوگ کار میں زندہ جل کر راکھ ہو گئے۔ آگ کی اطلاع ملنے پر موقع پر پہنچی پولیس نے اور فائر بریگیڈ کے جوانوں نے کسی طرح آگ پر قابو پایا لیکن تب تک اس میں سوار سبھی افراد کی موت ہو چکی تھی. جانکاری کے مطابق کار میں سوار سبھی لوگ نوئیڈا غازی آباد سے ہریدوار کے لیے نکلے تھے۔

اس حادثے میںہلاک ہونے والوں کی شناخت للت ولد مرحوم دھرم سنگھ، ساکن محمد پور کری تھانہ، کاکوڈ ضلع، بلند شہر، ساکن ہال 241 مانسروور پارک لال کوان، تھانہ ویو سٹی، غازی آباد، رجنی اہلیہ مرحوم دھرم سنگھ ساکن ،رادھا کی بیٹی ہری اوم، ساکن کھیڑا دھرم پورہ، تھانہ بادل پور، ضلع گوتم بدھ نگر، عمر تقریباً 29 سال۔ کویتا، بلی رام کی بیوی، گاؤں ٹبڈا، پولیس اسٹیشن مودی نگر، ضلع غازی آباد کے طور پر ہوئی ہے ۔

پولیس پورے معاملے کی تفتیش کر رہی ہے۔لاشوں کو پوسٹ مارٹم کے لئے بھیج دیا گیا ہے۔پولیس نے کہاکہ پوسٹ مارٹم کی رپورٹ موصول ہونے تک اس واقعے کے بارے میں کچھ بھی کہا نہیں جا سکتاہے