اب بچے ٹیچرز کو دیدی یا بہن کہہ کر پکاریں گے - Didi Aur Behan In School

سنبھل ضلع میں محکمہ تعلیم نے کونسل کے اسکولوں میں خواتین ٹیچروں کو میڈم کے بجائے دیدی اور بہن کہہ پکارنے کے حوالے سے نوٹس جاری کیا ہے۔ اب بچے ٹیچرز کو دیدی یا بہن کہہ کر پکاریں گے، میڈم نہیں۔

سنبھل: اتر پردیش کے سنبھل ضلع میں محکمہ تعلیم نے ایک بڑا اقدام شروع کیا ہے ۔اس کے تحت اب کونسل کے اسکولوں میں خواتین ٹیچروں کو میڈم کے بجائے دیدی یا بہن کہہ کر مخاطب کیا جائے گا۔ مرد اساتذہ کو ’گروجی‘ کہہ کر مخاطب کیا جائے گا، اس کے علاوہ کونسل کے اسکولوں میں پڑھنے والے بچے ڈی ایم کی ہدایت پر ’جئے ہند‘ کہیں گے۔

سنبھل ضلع کی بی ایس اے الکا شرما نے کہا کہ کونسل اسکولوں میں پڑھنے والے بچوں تک ہندوستانی ثقافت کی جھلک پہنچانے کے لیے ڈی ایم کی ہدایات پر ضلع بھر کے تمام کونسل اسکولوں کو حکم جاری کیا گیا ہے۔ کونسل سکولوں کی خواتین اساتذہ کو اب دیدی یا بہن جی کہہ کر مخاطب کیا جائے گا جبکہ مرد اساتذہ کے لیے یہ مشق شروع کی جا رہی ہے کہ اس سے اساتذہ میں عزت بڑھے گی۔ انہوں نے بتایا کہ اسکول کے بچے اس کے علاوہ اسکول کے معائنے کے لیے آنے والے افسران اساتذہ کو دیدی، بہن جی اور گرو جی کہہ کر مخاطب کریں گے، اس کے علاوہ کوئی ٹیچر اسکول کے دوران پان، سگریٹ، تمباکو وغیرہ کا استعمال نہیں کرے گا۔

ا

لکا شرما نے بتایا کہ اسکول میں پڑھنے والے بچے اپنے اساتذہ کو نمستے یا جئے ہند کہیں گے، انہوں نے کہا کہ اس سے بچوں کے ذہنوں میں حب الوطنی کا جذبہ بیدار ہوگا۔ اس کے علاوہ سکول آنے والے مرد اور خواتین ٹیچرز جینز، شرٹ وغیرہ پہن کر نہیں آئیں گی۔