دہلی فسادات کے الزام میں یو اے پی اے کے تحت گرفتار تسلیم کی درخواست ضمانت مسترد

Court Denies Bail To Tasleem Ahmed In UAPA Conspiracy Case دہلی کی ایک عدالت دہلی فسادات معاملہ میں یو اے پی اے کے تحت گرفتار تسلیم احمد کو ضمانت دینے سے انکار کر دیا۔

دہلی: دہلی کی ایک عدالت نے آج تسلیم احمد کو ضمانت دینے سے انکار کر دیا، تسلیم کو یو اے پی اے تحت فروری 2020 کے شمال مشرقی دہلی میں ہوئے فرقہ وارانہ فسادات میں ایک بڑی سازش کے الزام میں گرفتار کیا گیا تھا. ایڈیشنل سیشن جج سمیر باجپائی نے تسلیم احمد کی اس درخواست کو مسترد کر دیا جس میں شریک ملزمین دیونگنا کلیتا، نتاشا نروال اور آصف اقبال تنہا کے ساتھ برابری کی بنیاد پر ضمانت کی درخواست کی گئی تھی جنہیں دہلی ہائی کورٹ سے ضمانت ملی تھی.

عدالت نے کہا کہ ہائی کورٹ نے خاص طور پر شریک ملزمان کے بارے میں رائے دی اور پھر یہ نتیجہ اخذ کیا کہ یو اے پی اے کی دفعہ 43D(5) کے تحت ضمانت دینے پر پابندیاں لاگو نہیں ہوتیں. عدالت نے کہا کہ معزز ہائی کورٹ کی رائے صرف شریک ملزمان کے حوالے سے ہے عام نہیں ہے اور اس لیے درخواست گزار سمیت کسی دوسرے ملزم کے لیے اس پر غور نہیں کیا جا سکتا. جج نے مزید کہا کہ سیکشن 43D(5) کے تحت بار کو ہائی کورٹ نے صرف شریک ملزمان کے حوالے سے اٹھایا تھا نہ کہ تسلیم احمد سمیت کسی دوسرے ملزم کے لیے، اور اس طرح عدالت اب بھی اسی قانون کی پابند ہے.

عدالت نے کہا ان کی رائے میں ملزم تسلیم احمد کے خلاف الزامات پہلی نظر میں درست تھے، یہ دوسرا موقع ہے جب عدالت نے احمد کو باقاعدہ ضمانت دینے سے انکار کیا ہے، ان کی پہلی ضمانت کی درخواست پیشرو بنچ نے مارچ 2022 میں خارج کر دی تھی. احمد کو ضمانت دینے سے انکار کرتے ہوئے، عدالت نے کہا کہ پیشرو بنچ نے مزید کہا کہ یہ ماننے کی معقول بنیادیں ہیں کہ ان کے خلاف لگائے گئے الزامات بنیادی طور پر سچ ہیں. جج نے کہا حیرت کی بات یہ ہے کہ آئی ڈی کے مذکورہ حکم کو درخواست گزار کی طرف سے چیلنج نہیں کیا گیا ہے اور یہ عدالت اب اپنے حکم پر نظرثانی اور کوئی مخالف رائے نہیں دے سکتی.

واضح رہے کہ سال 2020 کی ایف آئی آر 59 کی جانچ دہلی پولیس کی خصوصی سیل کر رہی ہے. یہ مقدمہ تعزیرات ہند 1860 اور یو اے پی اے ایکٹ 1967 کے تحت مختلف جرائم کے تحت درج کیا گیا ہے. اس ایف آئی آر کے تحت ملزمان میں طاہر حسین، عمر خالد، خالد سیفی، عشرت جہاں، میران حیدر، گلفشہ فاطمہ، شفا الرحمان، آصف اقبال تنہا، شاداب احمد، تسلیم احمد، سلیم ملک، محمد سلیم خان، اطہر خان، صفورا زرگر، شرجیل امام، فیضان خان اور نتاشا ناروال شامل ہیں.