لوک سبھا انتخاب کے دوران شندے سینا کے رہنماوں کی درگاہ زیارت کی ویڈیو وائرل - Lok Sabha Election 2024

جنوبی ممبئی کے شندے سینا کے اُمیدوار یامنی یشونت جادھو اور اُن کے خاوند یشونت جادھو کا ویڈیو وائرل ہو رہا ہے۔ بی جے پی امیدوار پر الزام ہے کہ مسلمانوں کے ووٹ حاصل کرنے کے لئے درگاہ پر حاضری دی۔

ممبئی:ملک کی دوسری ریاستوں کی مہاراشٹر میں لوک سبھا انتخابات کے پانچویں مرحلے میں ہونے والی ووٹنگ کے پش نظر تمام سیاسی پارٹیاں ووٹرز کی توجہ اپنی طرف راغب کرنے کے لئے کوئی کسر چھوڑنا نہیں چاہتے ہیں۔اسی درمیان جنوبی ممبئی میں یکناتھ شندے سینا کے رہنماوں کی درگاہ پر حاضری دینے کی ویڈیو وائرل ہو رہی ہے۔

پرلیمانی انتخابات کے لیے یامنی یشونت جادھو اور یشونت جادھو سیکولرزم کا لبادہ اوڑھ کر مسلمانوں کو یہ یقین دلانے کی کوشش کر رہے ہیں کہ اصل میں سیکولر یہی ہیں۔وہ الگ بات ہے کہ مسلمانوں سے جڑے ترقیاتی کاموں میں کہیں بھی انکا سیکولرزم ابھی تک نظر نہیں آیا۔

محض کچھ دیں قبل جب وزیر اعلیٰ ایکناتھ شندے نے حاجی ملنگ درگاہ کو مچھندر ناتھ مندر کا راگ الاپا تھا اور کہا تھا کہ وہ اس تحریک کو آگے بڑھائیں گے۔تحریک یہ ہے کہ شندے کے سیاسی استاد آنند دیگھے نے 80 کی دہائی میں حاجی ملنگ درگاہ کی جگہ مندر ہونے کا دعوہ کیااور اُس کے بعد سے یہاں اس درگاہ پر آرتی کی جانے لگی۔وزیر اعلیٰ ایکناتھ شندے نے اسی روایت کو آگے بڑھایا اب وہ خود اس آرتی میں حصہ لیتے ہیں۔

یامنی یشونت جادھو اسی پارٹی سے تعلق رکھتے ہیں چونکہ مسلمانوں کے ووٹ چاہیے اس لئے اس طرح کے ویڈیو وائرل کی جارہی ہے۔اس سے مسلمانوں کو یہ لگے کہ وہ درگاہ اور خانقاہوں میں یہ بھی اتنی ہی عقیدت رکھتے ہیں جتنا مسلمان۔

غور طلب ہے کہ ممبئی سے متصل کلیان علاقے میں حاجی ملنگ درگاہ ہے جو صوفی عبد الرحمن کی درگاہ ہے جو کہا جاتا ہے کہ انہوں نے 12 ویں صدی میں یہاں سکونت اختیار کی یہیں رہکر انہوں نے دین کی تبلیغ کی لیکن سن 1980 شیوسینا لیڈر آنند دیگے نے ایک مہم چھیڑی اور کہا کہ یہاں کوئی درگاہ نہیں بلکہ ایک قدیم مندر ہے۔اسے مسلمانوں سے آزاد کرنا ہوگا۔ہر برس یہاں خاص موقع پر شیو سینکوں کے ذریعہ آرتی کی جاتی ہے۔ شندے خود بھی شامل ہوتے ہیں۔