شرد پاور کی زندگی پر لکھی گئی اردو کتاب کا اجراء (etv bharat)
اورنگ آباد: حج ہاؤس عمارت کے آڈیٹوریم میں اُردو تنظیموں اور مسلم عوامی کمیٹی کے اشتراک سے منعقدہ تقریب میں فکشن نگار نورالحسنین کے ہاتھوں اس کتاب کا اجراء عمل میں آیا۔ اس تقریب میں مہمان خصوصی کی حیثیت سے شیش راؤ چوہان، انکوش راؤ کدم، سابق وزیر راجیش ٹوپے، پرنسپل ڈاکٹر مخدوم فاروقی ، فکشن نگار نورالحسنین موجود تھے۔
نورالحسنین نے اپنے تاثرات واضح کرتے ہوئے کہا شرد پوار پر لکھی گئی اس کتاب کے اردو ترجمہ کا نوجوان ضرور مطالعہ کریں ۔ شرد پوار بولتے کم اور سوچتے زیادہ ہیں۔ وہ ایک مدبر، مخلص انسان اور گنگا جمنی تہذیب کے پروردہ ہیں۔ نور الحسنین نے کہا کہ عام طور پر ہندی اور انگلش میں تو کتابیں آجاتی ہیں لیکن ان کا اُردو میں ترجمہ نہیں ہوتا، کسی لیڈر کو اس وقت تک نہیں سمجھ سکتے جب تک اس کی سوانے سامنے نہ آئے ۔