تعلیم کے ذریعے کوئی بھی منزل حاصل کی جا سکتی ہے: مفتی ذکاء اللہ - Free Education

اندور شہر کی جامع مسجد کے امام مفتی ذکاء اللہ نے ایک تقریب سے خطاب کرتے ہوئے کہا ہے کہ تعلیم کے ذریعہ کسی بھی منزل کو حاصل کیا جا سکتا ہے۔ جب کہ انجمن اصلاح المسلمین کے صدر سید شاہد علی نے کہا کہ جو طلبہ فیس نہیں بھرسکتے۔ ہم ان تمام کی فیس جمع کرنے کی کوشش کرتے ہیں۔

اندور:ریاست مدھیہ پردیش کے صنعتی شہر اندور میں وقف بورڈ کے زیر اہتمام کام کرنے والی تنظیم انجمن اصلاح المسلمین کی جانب سے طلبہ میں فی سبیل اللہ کاپیاں تقسیم کی گئیں۔ جس میں سیاسی، سماجی، ملی اور مذہبی شخصیات شریک ہوئیں۔ علم حاصل کر کے کسی بھی بلندیوں کو پہنچا جا سکتا ہے، ریاست مدھیہ پردیش کے شہر اندور کی جامع مسجد کے امام مفتی ذکاء اللہ صاحب نے ان خیالات کا اظہار کیا۔

وہ وقف بورڈ ضلع انتظامیہ کے زیر اہتمام چلنے والی تنظیم انجمن اصلاح المسلمین کی طلبہ میں فی سبیل اللہ کاپیاں اور کتابوں کی تقسیم کی تقریب میں پہنچے تھے۔ جہاں انہوں نے خطاب کرتے ہوئے کہا کہ جو سماج تعلیم یافتہ ہوتا ہے وہی ترقی کرتا ہے۔

تعلیم کے ذریعہ کسی بھی منزل کو حاصل کیا جا سکتا ہے: مفتی ذکاء اللہ (ETV Bharat Urdu)

تعلیم کے ذریعہ کسی بھی منزل کو حاصل کیا جا سکتا ہے: مفتی ذکاء اللہ (ETV Bharat Urdu)

اس موقع پر انجمن اصلاح المسلمین کے صدر سید شاہد علی کا کہنا تھا کہ تعلیم کو فروغ دینے کے لیے مدھیہ پردیش وقف بورڈ کے چیئرمین کا بھی حکم ہے کہ املاک سے جو آمدنی موصول ہوتی ہے۔ اس کا 50 فیصد تعلیم پر خرچ کیا جائے۔ یہی وجہ ہے کہ ہم نے تقریب منعقد کی ہے۔ جو طلبہ فیس نہیں بھر سکتے ان کی فیس بھی ہم جمع کرتے ہیں۔ وہیں سیاسی رہنما ساجد علی کا کہنا تھا کہ تنظیم کی اس کوشش سے سماج کو فائدہ ملے گا۔

تعلیم کے ذریعہ کسی بھی منزل کو حاصل کیا جا سکتا ہے: مفتی ذکاء اللہ (ETV Bharat Urdu)

موجودہ دور میں تعلیم حاصل کرنا زیادہ مشکل نہیں ہے۔ کیونکہ تعلیم حاصل کرنے کے لیے سرکار کی جانب سے بھی کئی اسکیمیں چلائی جا رہی ہیں۔ وہیں سماجی تنظیمیں بھی کوشش کر رہی ہیں کہ سماج کیسے تعلیم یافتہ ہو۔ اور معاشرہ میں سدھار آئے۔

تعلیم کے ذریعہ کسی بھی منزل کو حاصل کیا جا سکتا ہے: مفتی ذکاء اللہ (ETV Bharat Urdu)