کانگریس کے امیدوار ادھیر رنجن چودھری نے پرچہ نامزدگی داخل کیا
بہرامپور: ادھیر رنجن چودھری نے سینکڑوں حامیوں کے ساتھ ضلع انتظامیہ دفتر پہنچے اور چھٹی بار بہرامپور لوک سبھا حلقہ سے کانگریس امیدوار کے طور پر اپنا پرچہ نامزدگی داخل کیا۔ میناکشی مکوپادھیائے اور بائیں محاذ کے کئی لیڈران اور کارکنان-حامی ادھیر چودھری کے کاغذات نامزدگی جمع کرانے جلوس میں شامل تھے۔
سی پی ایم کے ضلع سکریٹری ضمیر مولا نے کہاکہ بائیں محاذ-کانگریس اب میدان میں آگئی ہے۔ ہم مرشد آباد ضلع کی تینوں سیٹوں پر جیت رہے ہیں۔ کانگریس کے حمایت یافتہ سی پی ایم کے ریاستی سکریٹری اور اتحاد کے امیدوار محمد سلیم مرشد آباد حلقہ سے لوک سبھا انتخابات میں حصہ لے رہے ہیں۔ سلیم کے کاغذات نامزدگی کے دن ادھیر چودھری کو سی پی ایم امیدوار کے ساتھ قدم سے قدم ملا کر چلتے ہوئے دیکھا گیا تھا۔ دونوں پارٹیوں کے کارکنان اور حامیوں میں زبردست جوش و خروش پایا گیا۔