کولکاتا: آئی پی ایل 2024 کا 42 واں میچ پنجاب کنگز اور کولکاتا نائٹ رائیڈرز کے درمیان کھیلا جائے گا۔ دونوں ٹیموں کو آخری میچ میں شکست کا سامنا کرنا پڑا ہے۔اس میچ میں دونوں ٹیم بلند حوصلوں اور نئے جوش و جذبے کے ساتھ عالمی شہرت یافتہ اسٹیڈیم ایڈن گارڈنس میں اتریں گی۔
سیزن میں دونوں ٹیموں کی اب تک کی کارکردگی
اگر آئی پی ایل میں دونوں ٹیموں کی کارکردگی کی بات کریں تو کے کے آر کی اب تک کی کارکردگی شاندار رہی ہے۔ کولکاتا نے اب تک 7 میچ کھیلے ہیں جس میں اس نے 5 میچ جیتے ہیں۔ وہ پوائنٹس ٹیبل میں 10 پوائنٹس کے ساتھ دوسرے نمبر پر ہے۔ جبکہ پنجاب کنگز نے اب تک 8 میچز کھیلے ہیں جس میں اسے 6 میچوں میں شکست کا سامنا کرنا پڑا ہے ہے اور 2 میں کامیابی حاصل ہوئی ہے۔پوائنٹس ٹیبل پر پنجاب 9 ویں مقام پر ہے۔
کے کے آر بمقابلہ پنجاب کنگز
کولکاتا اور پنجاب کنگز کے درمیان اب تک کھیلے گئے میچوں میں کے کے آر کو برتری حاصل رہی ہے۔ دونوں کے درمیان اب تک 32 میچ کھیلے جا چکے ہیں جن میں کے کے آر نے 21 اور پنجاب نے 11 میچ جیتے ہیں۔ گزشتہ میچ میں پنجاب کو دہلی کے خلاف شکست کا سامنا کرنا پڑا تھا، وہیں کے کے آر نے شاندار کامیابی حاصل کی تھی۔