ممبئی:ہندوستانی کرکٹ ٹیم کے بلے باز کیدار جادھو نے کرکٹ کے تمام فارمیٹ سے ریٹائرمنٹ کا اعلان کر دیا۔ انہوں نے اپنے انسٹاگرام اکاؤنٹ پر ایک نوٹ پوسٹ کیا جو کہ چنئی سپر کنگز (سی ایس کے) کے سابق کپتان مہندر سنگھ دھونی کے پیغام سے بہت ملتا جلتا ہے۔ دھونی کے ساتھ شاندار تعلقات کا اشتراک کرنے والے جادھو نے اپنے کیریئر کی تصاویر کا ایک سلائیڈ شو بھی شیئر کیا جس کے پس منظر میں آنجہانی کشور کمار کا گانا زندگی کے سفر میں چل رہا ہے۔
مہاراشٹر کے بلے باز نے انسٹاگرام پوسٹ میں لکھاکہ میرے کیریئر کے دوران آپ کی محبت اور حمایت کے لیے تمام لوگوں کا شکریہ۔ میں نے تمام طرز کے کرکٹ سے ریٹائرمنٹ لے لیا ہوں۔
چنئی سپر کنگز کے سابق کپتان نے کہا تھاکہ 'آپ کی محبت اور حمایت کے لیے آپ کا بہت شکریہ۔ مجھے شام 6:29 سے ریٹائرڈ سمجھیں۔ انہوں نے اپنے کیریئر کی تصاویر کا ایک سلائیڈ شو شیئر کیا تھا، جس میں پس منظر میں کشور کمار کا گانا 'میں پل دو پل کا شعر ہوں' چل رہا تھا، جو ان کا پسندیدہ گانا ہے۔ جادھو، جو 2019 ورلڈ کپ میں ہندوستان کے اسکواڈ کا حصہ تھے، نے ہندوستان کے لیے اپنا ون ڈے ڈیبیو 16 نومبر 2014 کو سری لنکا کے خلاف کیا اور ہندوستان کے لیے 17 جولائی 2015 کو زمبابوے کے خلاف اپنا ٹی20 ڈیبیو کیا۔ اس کے بعد سے وہ 2014 سے 2020 کے درمیان 73 ون ڈے اور 9 ٹی ٹوئنٹی میں ہندوستان کی نمائندگی کر چکے ہیں۔ انہوں نے آخری ون ڈے میچ 2020 میں کھیلا تھا جبکہ آخری بار 2017 میں ہندوستان کے لیے ٹی 20 کھیلا۔