بھارتی ہاکی ٹیم نے ایشین چیمپئن شپ میں جیت کی ہیٹ ٹرک کرلی، ملائیشیا راجکمار کے سامنے دم توڑ گیا - Asian Champions Trophy

ہندوستان نے ایشین چمپئن شپ کے تیسرے میچ میں ملائیشیا کو 8-1 سے شکست دے کر شاندار فتح حاصل کی۔ ہندوستانی ہاکی ٹیم کی یہ مسلسل تیسری جیت ہے۔ اس سے قبل بھارت نے جاپان اور چین کو شکست دی تھی۔ پوری خبر پڑھیں...

نئی دہلی: ایشین ہاکی چیمپئن ٹرافی میں بھارت کی شاندار کارکردگی کا سلسلہ جاری ہے۔ آج بدھ کو کھیلے گئے میچ میں ہندوستانی ہاکی کھلاڑیوں نے ملائیشیا کو 8-1 سے شکست دی۔ اس کے ساتھ ہی ہندوستان ٹیبل میں ٹاپ پوزیشن پر برقرار ہے۔ راجکمار پال نے اس میچ میں شاندار ہیٹ ٹرک اسکور کی جبکہ ارجیت سنگھ ہنڈل نے دو گول کر کے ہندوستان کو ایشین چیمپئنز ٹرافی ہاکی میچ میں ملائیشیا کو 8-1 سے شکست دینے میں مدد کی۔

راجکمار نے پہلے تین کوارٹر میں ایک ایک گول کیا جبکہ ہندل نے پہلے اور تیسرے کوارٹر میں گول کیا۔ جوگراج سنگھ اور ہرمن پریت سنگھ نے بھی پنالٹی کارنر سے گول کیے جبکہ اتم سنگھ نے کوارٹر 3 میں بھارت کا آٹھواں اور آخری گول کیا۔ یہ ٹورنامنٹ میں ہندوستان کی مسلسل تیسری جیت تھی۔

ہاف ٹائم تک ہندوستان نے اپنی عمدہ کارکردگی کی بدولت 5-0 کی برتری حاصل کر لی تھی۔ بھارت نے دوسرے کوارٹر میں دو گول کیے جبکہ مخالف ٹیم کھاتہ بھی نہ کھول سکی۔ تیسرے کوارٹر کے مکمل ہونے تک ملائیشیا نے بھی ایک پوائنٹ حاصل کر لیا تھا لیکن یہ پوائنٹ اسے میچ میں واپس لانے کے لیے کافی نہیں تھا۔ کیونکہ بھارت پہلے ہی 8 پوائنٹس کی برتری حاصل کر چکا تھا۔

چوتھے کوارٹر میں دونوں ٹیمیں ایک بار پھر میدان میں آئیں لیکن کسی بھی ٹیم کو کوئی کامیابی نہیں ملی اور میچ 8-1 کے سکور پر ختم ہوا۔ یہ ہندوستان کی مسلسل تیسری فتح ہے۔ اس سے قبل ہندوستان نے میزبان چین اور جاپان کو شکست دی تھی۔