عالمی یوم آب کے حوالے سے سوپور میں تقریب کا انعقاد - World water day

World Water Day 2024 عالمی یوم آب یا پانی کا عالمی دن ہر سال 22 مارچ کو منایا جاتا ہے اور اس موقع پر لوگوں میں پانی کی اہمیت کو اجاگر کیا جاتا ہے۔

سوپور( بارہمولہ):تحصیل لیگل سروسز کمیٹی سوپور اور وولر کنزرویشن اینڈ مینجمنٹ اتھارٹی کے اشتراک سے شمالی کشمیر کے ضلع بارہمولہ کے سوپور نگلی میں جمعہ کے روز 'ورلڈ واٹر ڈے' کے حوالے سے ایک پروگرام کا انعقاد کیا گیا۔پروگرام میں مہمان خصوصی کے طور پر چیف جوڈیشل مجسٹریٹ سوپور عادل مشتاق موجود رہے۔

پروگرام میں مقامی اسکولوں سے وابستہ بچوں نے بھی شرکت کی جس دوارن ایک ریلی نکالی گئی۔طلبہ کے ہاتھوں میں مختلف پلے کاڑس موجود تھے، جن میں اس بات پر زور دیا گیا کہ پانی کو کیسے بچایا جائے۔
پروگرام کے دوران مختلف مقررین نے اس بات پر روشنی ڈالی کہ پانی اس کائنات کے لئے کتنا ضروری ہے اور ہر حال میں اس کی قدر کرنا ہم سب کا فرض ہے۔مقرنین نے کہا کہ گزشتہ چند سالوں سے پانی کی شدید قلت دنیا بھر کے ساتھ ساتھ کشمیر میں بھی دیکھنے کو ملی ہے اور یہ کافی تشویشناک بات ہے۔

اس دوران مختلف اسکولوں سے آئے ہوئے بچوں نے اس دن کے حوالے سے بات کی اور کہا کہ پانی کا بہتر استعمال وقت کی اہم ضرورت ہے۔

میڈیا کے ساتھ گفتگو کرتے ہوئے چیف جوڈیشل مجسٹریٹ سوپور عادل مشتاق نے کہا کہ ہم چاہتے ہے کہ اس قسم کے بیداری پروگرام مستقبل میں بھی ہونے چاہیے، کیونکہ اس سے بچوں میں جانکاری فراہم کی جاسکتی ہے۔
انہوں نے کہا کہ اس وقت اگر ہم موجود وقت کی بات کرے تو پانی کی قلت اکثر و بیشتر سب جگہ ہے اور اگر ہم آج کے اس دن کے حوالے سے بات کرے تو ہم پیغام دینا چاہیے ہے کہ پانی کا استعمال ٹھیک طریقے سے کیا جائے۔