رامبن میں سیاحوں کی گاڑی حادثے کا شکار، دو افراد ہلاک، چار شدید زخمی

رامبن میں پیش آئے ایک سڑک حادثے میں دو سیاحوں کی موت ہو گئی جب کہ چار لوگ شدید زخمی ہو گئے۔

رامبن:جموں و کشمیر کے ضلع رامبن میں جموں سرینگر قومی شاہراہ پر پیش آئے ایک سڑک حادثے میں دو سیاحوں کی موت ہو گئی۔ رام سو کے نزدیک مگر کوٹ پل کے پاس سیاحوں کی گاڑی حادثے کا شکار ہو کر الٹے ہوئے نیچے نالے میں جا گری۔ اس حادثے میں دو افراد کی موت جب کہ چار دیگر لوگ شدید زخمی ہو گئے۔ زخمیوں کو رام سو ہسپتال سے سب ڈسٹرکٹ بانہال اسپتال ریفر کیا گیا ہے۔

یہ حادثہ قومی شاہراہ پر آج صبح کے وقت میں پیش آیا۔ اطلاع ملتے ہی مقامی رضاکار تنظیم ہمالین کیو آر ٹی رامسو پولیس کے ہمراہ جائے حادثے پر پہنچی۔ اس دوران پولیس ہلکاروں اور مقامی رضاکاروں نے پہلے زخمی افراد کو نکال کر اسپتال منتقل کیا۔ اس کے گاڑی سے دو لاشوں کو نکالا گیا اور انہیں رامسو اسپتال منتقل کیا گیا۔

پلوامہ پولیس نے اس تعلق سے معاملہ درج کر لیا ہے اور قانونی لوازمات پورے کرنے کے بعد لاشوں کو وارثین کے حوالے کر دیا ہے۔ معاملے کی جانچ جاری ہے اور تاحال حادثے کی وجہ سامنے نہیں آ سکی ہے۔

واضح رہے کہ گذشتہ روزضلع بڈگام میں پیش آئے حادثے میں ایک شخص کی موت ہو گئی۔ یہ واقعہ اس وقت پیش آیا جب ایک ریلوے ٹریک پار کر رہا تھا، اس دوران وہ ایک ٹرین کی زد میں آ کر ہلاک ہو گیا۔