سنبل کے رہائشیوں کا بنیادی سہولیات فراہم کرنے کا مطالبہ - Muharram processioms

بانڈی پورہ کے سنبل کے مقامی باشندوں نے پانی، بجلی کی سپلائی میں بہتری اور صحت نظام کو معیاری بنانے کا مطالبہ کیا۔ ان کا کہنا ہے کہ بانڈی پورہ کے سنبل کے باشندے بنیادی سہولیات سے محروم ہیں۔

سنبل:مرکز کے زیر انتظام یوٹی جموں و کشمیر کے بانڈی پورہ ضلع کے اندرکوٹ سنبل علاقے کے مکینوں نے محرم کے مقدس مہینے میں بلا تعطل پانی اور بجلی کی فراہمی کا مطالبہ کیا ہے تاکہ جلوسوں کو آسانی سے انجام دیا جا سکے۔

میڈیا سے بات کرتے ہوئے، ایک مقامی رہائشی نے 16 جولائی سے شروع ہونے والے محرم کے جلوسوں کے بغیر کسی رکاوٹ کے انعقاد کے لیے جلد انتظامات کو حتمی شکل دینے پر میونسپل حکام کا شکریہ ادا کیا۔

تاہم، انہوں نے تشویش کا اظہار کرتے ہوئے کیا کہ تہوار بالکل کے قریب ہونے کے باوجود نہ تو محکمہ بجلی اور نہ ہی جل شکتی محکمہ نے اس علاقے کا دورہ کیا۔انہوں نے بنیادی سہولیات کو بہتر بنانے کے لئے کوئی ٹھوس قدم نہیں اٹھایا۔

انہوں نے کہاکہ ہم ڈپٹی کمشنر بانڈی پورہ سے اپیل کرتے ہیں کہ ممکنہ مسائل کو فوری طور پر حل کریں اور اس بات کو یقینی بنائیں کہ محرم کی تقریبات کو احسن طریقے سے منانے کے لیے سہولیات فراہم کی جائیں۔

مقامی باشندوں نے اعلیٰ حکام سے بلاتعطل پانی اور بجلی کی فراہمی، صحت کی سہولیات اور عوامی مقامات پر اسٹریٹ لیمپ لگانے کی بھی اپیل کی ہے تاکہ محرم کے جلوسوں کا آسانی سے گزر سکے۔