ترال ترقیاتی کاموں اور سہولیات سے محروم:محمد اقبال ریگو - Social Activist Reaction

Social Activist Reaction سماجی کارکن اور مذہبی اسکالر محمد اقبال ریگو نے کہاکہ ملک کے ساتھ ساتھ وادی کشمیر میں بھی جامع ترقی کا دائرہ وسیع ہوگیا ہے۔ زمینی سطح پر اس کا ادراک بھی ہوتا ہے تاہم سب ضلع ترال میں جامع ترقی کا خواب ہنوز شرمندہ تعبیر نہیں ہوا ہے۔

ترال:مذہبی اسکالر محمد اقبال ریگو نے ای ٹی وی بھارت کے ساتھ بات کرتے ہوئے کیا انہوں نے کہا کہ ملک کے وزیراعظم نریندر مودی نے جس طرح سے تعمیر و ترقی کا ریکارڈ قائم کیا ہے ہمیں اس کا اعتراف ہے لیکن بدقسمتی سے ترال میں عوامی نوعیت کے اہم پروجیکٹس جیسے کہ خانقاہ فیض پناہ ترال اور منی سیکریٹریٹ ترال برسوں سے نامکمل ہے ۔اس کی وجہ سے یہاں کے لوگوں میں اب مایوسی پھیل گئی ہے۔ اس لیے وقت کا تقاضا ہے کہ جملہ ترقی کے اہداف حاصل کرنے کے لیے ٹھوس اقدامات کئے جائیں

ترال علاقے میں بجلی، فیس میں اضافہ اور بجلی کی ابتری پر بات کرتے ہوئے انھوں نے بتایا کہ یہ بڑی بدقسمتی کی بات ہے کہ علاقے میں بجلی کی صورت حال پریشان کن امر بن گیا ہے ۔انہوں نے الزام عاید کیا کہ بجلی فیس کی شرحوں میں یہاں بے ضابطگیوں کی اطلاعات بھی ہے۔ اس حوالے سے محکمہ کو اس بات کا نوٹس لینا چاہیے ۔

محمد اقبال ریگو نے مزید بتایا کہ اگرچہ اس وقت دریا اور ندی نالوں میں پانی کی بڑی مقدار ہے لیکن بدقسمتی سے بجلی بحران ہر گزرتے دن کے ساتھ کیوں بڑھ رہا ہے انہوں نے ایل جی منوج سنھا سے اس بارے میں مداخلت کی اپیل کی ہے۔