ترال کے مونگہامہ علاقے میں سرچ آپریشن جاری

ترال کے مونگہامہ علاقے میں سیکورٹی فورسز کو علاقے میں عسکریت پسندوں کی موجودگی کے بارے میں خفیہ اطلاعات ملی ہیں۔

ترال: جنوبی کشمیر میں ترال کے مونگہامہ علاقے میں فوج کی جانب سے اس وقت سرچ آپریشن شروع کیا گیا، جب سیکورٹی فورسز کو علاقے میں عسکریت پسندوں کی موجودگی کے بارے میں خفیہ اطلاعات ملی۔

جس کے بعد فوج، سی آر پی ایف اور ایس او جی کے جوانوں نے پورے علاقے کو گھیرے میں لیکر سرچ آپریشن کا آغاز کر دیا ہے۔ سیکوریٹی فورسس نے سرچ آپریشن کے دوران علاقہ کے تمام داخلی و خارجی راستوں کی ناکہ بندی کردی اور علاقہ میں فورسس کی بھاری نفری کو تعینات کیا گیا ہے۔

غور طلب ہے کہ علاقے میں فورسز کی بھاری نفری کو تعنیات کیا گیا ہے اور کسی کو بھی گھر سے باہر آنے کی بلا ضرورت اجازت نہیں دی جا رہی ہے۔ معلوم ہوا ہے کہ گاؤں میں ایک سرگرم عسکریت پسند کی سیکورٹی فورسز کو کافی وقت سے تلاش ہے اور شاید اسی لیے سرچ آپریشن شروع کیا گیا ہے۔ مزید تفصیلات کا انتظار ہے...