ترال کے کار مولہ میں بادل پٹھنے سے فصلوں کو نقصان - cloud burst in Tral

جموں وکشمیر کے ضلع ترال میں کل بادل پھٹنے سے عام زندگی کافی متاثر ہوئی۔ اس واقعے کی وجہ سے فصلوں کو شدید نقٓصان پہنچا ہے۔

ترال:گذشتہ روز سہ پہر کو جنوبی کشمیر کے دور افتادہ علاقے کار مولہ ترال میں بادل پٹھنے کے بعد آئی طغیانی سے علاقے میں خوف و ہراس کا ماحول پیدا ہو گیا ہے۔ جب کہ بادل پٹھنے کے بعد آئی طغیانی کی وجہ سے کار مولہ ناڈ کو جانے والی رابطہ سڑک خستہ حال ہوگئی۔ جب کہ پانی کے بہاؤ سے زمین کا کٹاو شروع ہو گیا۔

مکئی کی فصل کو بڑے پیمانے پر نقصان پہنچا ہے، جسے مقامی کسان خون کے آنسو رونے پر مجبور ہوگئے ہیں۔ بادل پٹھنے کے بعد سیلابی صورت حال سے محمد سلیمان نام کے خانہ بدوش کا ڈیرہ اور کئی بکریاں غرقاب ہوگئی۔ اس حادثے کی وجہ سے مذکورہ خاندان کو شدید مالی نقصان پہنچا ہے اور اس کے اہل و عیال کو مشکل حالات کا سامنا کرنا پڑ رہا ہے۔

ایک اور شہری زبیر خان نے بتایا کہ اچانک موسم کی صورت حال تبدیل ہو نے سے اس کے مکان اور زمین کو نقصان پہنچا ہے۔ متاثرہ افراد نے انتظامیہ سے اس حوالے سے جائزہ لینے اور معاوضہ فراہم کرنے کا مطالبہ کیا ہے۔ جانکاری کے مطابق کل بادل پٹھنے کے بعد ہی تحصیلدار ترال عمران احمد نے ایس ایچ او کے ہمراہ کار مولہ کا دورہ کیا اور صورت حال کا جائزہ لیا۔ راحت رسانی کے لیے اقدامات کی ہدایات بھی دی۔