راہل گاندھی کا سوپور دورہ، عوام اور کارکنان میں جوش کی لہر - Assembly Election 2024

ضلع بارہمولہ کے سوپور ڈانگر پورہ میں آج کانگریس پارٹی کی جانب سے ایک ریلی منعقد کی گئی جس میں پارٹی کے لیڈر راہل گاندھی نے شرکت کی۔ راہل گاندھی کی آمد سے عوام میں کافی جوش دیکھا گیا۔ عوام کا کہنا ہے کہ اس بار ہماری پوری کوشش رہے گی کہ کانگریس پارٹی اپنی حکومت بنائے اور ہمارے مسائل حل کرے۔

بارہمولہ (جموں و کشمیر): شمالی کشمیر کے ضلع بارہمولہ کے سوپور ڈانگر پورہ میں آج کانگریس کی جانب سے ایک انتخابی ریلی منعقد کی گئی۔ اس دوران کانگریس کے سینئر لیڈر راہل گاندھی نے پروگرام میں شرکت کی اس موقعے پر جموں و کشمیر کانگریس کے تمام چھوٹے بڑے لیڈر بھی موجود رہے۔

مقامی لوگوں نے کہا کہ آج ہم کافی پرجوش ہیں کیونکہ آج راہل گاندھی ڈانگر پورہ سوپور آئے ہیں۔ لوگوں نے کہا کہ راہل گاندھی بھارت کے ایک بہت بڑے لیڈر ہیں اور ہم کو امید ہے کہ وہ ہمارے مسائل حل کریں گے۔ لوگوں نے بتایا کہ گزشتہ دس سالوں سے ہم کو کافی مشکلات کا سامنا ہے اور بی جے پی کہتی ہے کہ ہم نے کشمیر کی عوام کے لیے کافی کام کیا ہے۔لیکن زمینی حقائق الگ ہیں اور ہم کو طرح طرح کے مشکلات کا سامنا ہے۔

راہل گاندھی کے سوپور دورے سے عوام اور کارکنان میں جوش (Etv Bharat)

راہل گاندھی کے سوپور دورے سے عوام اور کارکنان میں جوش (Etv Bharat)

راہل گاندھی کے سوپور دورے سے عوام اور کارکنان میں جوش (Etv Bharat)

انہوں نے کہا کہ ایک طرف سرکار کہتی ہے کہ ہم نے بے روزگار نوجوانوں کے لیے کام کیا ہے لیکن دوسری طرف بےروزگاری اپنے عروج پر ہے اور دن بہ دن ہمارے مسائل میں صرف اضافہ ہو رہا ہے۔

لوگوں نے بتایا کہ ہم لوگ غریب ہیں اور موجودہ سرکار نے بجلی اور فیس کافی بڑھادی ہے جس کی وجہ سے ہماری کمر ٹوٹ گئی ہے۔

یہاں کے مقامی لوگوں نے بتایا کہ ان کی کمائی کا خاص ذریعہ سیب ہے۔ مگر گزشتہ چند سالوں سے ہم کو سیب کی واجب قیمتیں نہیں مل پا رہی ہیں۔ لوگوں نے کہا کہ ہم کو کانگریس پر بھروسہ ہے اور ہم اپنے نمائندے کو کامیاب کر کے رہیں گے کیونکہ کانگریس سرکار ہی ہمارے لیے اچھی ہے۔ اس کی سب سے بڑی وجہ یہ ہے کہ کانگریس لوگوں کے کام کرتی ہے۔ عوام کا کہنا ہے کہ بی جے پی دس سال سے سرکار میں ہے لیکن نوجوانوں کے لیے انہوں نے کوئی کام نہیں کیا۔