پلوامہ میں ریلوے لائن بچھانے کے خلاف احتجاج، حکومت سے منصوبہ میں تبدیلی کا مطالبہ

ضلع پلوامہ میں ببہار کے لوگوں نے ریلوے لائن کے خلاف سخت برہمی کا اظہار کرتے ہوئے ریلوے لائن کو تبدیل کرنے کا مطالبہ کیا۔

پلوامہ : جنوبی کشمیر کے ضلع پلوامہ کے ببہار علاقے لوگوں نے آج ریلوے پروجیکٹ کے خلاف احتجاج کرتے ہوئے اپنی برہمی کا اظہار کیا۔ مقامی لوگوں نے کہا کہ علاقے میں کافی کم زمینی ہے جس پر ایک ریلوے لائن بچھائی جانے کا منصوبہ بنایا جارہا ہے۔ لوگوں نے کہا کہ اگر ایسا ہوتا ہے تو مستقبل میں ہمارے بچے خانہ بدوشی کی زندگی گزارنے پر مجبور ہو جائیں گے۔

انہوں نے کہا کئی سال قبل ہم نے سرکار کو فیلڈ اسٹیشن بونرہ کے لئے زمین دی تھی اور اب کچھ ہی زمین ہمارے علاقے میں بچی ہے جہاں پر اب ریلوے پروجیکٹ منصوبہ کے تحت سروئے کیا جارہا ہے۔ انہوں نے انتظامیہ سے اپیل کی کہ وہ اس ریلوے پروجیکٹ کی منتقل سے متعلق غور کریں اور اس کے لئے کوئی متبادل راستہ دیکھیں تاکہ اس علاقے کے لوگوں کو نقصان سے بچایا جاسکے۔

مقامی لوگوں نے مزید کہا کہ ہمارے علاقے میں میوہ باغات ہے جہاں سے ہم اپنا روزگار حاصل کررہے ہیں، اس ریلوے پروجیکٹ سے ہمارا روزگار بھی حتم ہو جائے گا۔ یہاں یہ بات بھی قابلِ ذکر ہے کہ محمکہ ریلوے نے ضلع پلوامہ کے کاکاپورہ سے شوپیان تک ریلوے لائن بچھانے کا منصوبہ تیار کیا ہے جو ضلع شوپیاں کو ضلع پلوامہ سمیت دیگر علاقوں سے جھوڑے گا۔