سوپور میں ایک ساتھ تین منشیات فروش گرفتار، ممنوعہ اشیاء بھی برآمد

ضلع بارہمولہ میں سوپور پولیس نے تین منشیات فروشوں کو گرفتار کرتے ہوئے ان کے قبضے سے ممنوعہ مادہ بھی برآمد کیا۔

بارہمولہ (کوثر عرفات): جموں و کشمیر کے ضلع بارہمولہ کے سوپور میں پولیس نے سماج سے منشیات کے خلاف کارروائی کرتے ہوئے تین منشیات فروشوں کو گرفتار کر لیا۔ پولیس نے ملزمین کے قبضے سے ممنوعہ اشیاء بھی ضبط کرنے کا دعویٰ کیا ہے۔

پولیس رپورٹ کے مطابق ہمدانیہ کالونی نیڈھل رفیع آباد میں ناکہ چیکنگ کے دوران ایس ایچ او پی ایس پنزلہ انسپکٹر منظور احمد کی سربراہی میں پولیس ٹیم نے تین افراد کو روکا۔ ان کی تلاشی پر پولیس نے 122 گرام ممنوعہ چرس جیسا مادہ برآمد کیا۔ پولیس اسٹیشن پنزلہ میں قانون کی متعلقہ دفعات کے تحت مقدمہ (ایف آئی آر نمبر 06/2025) درج کر کے جانچ شروع کر دی ہے۔

ملزمین کی شناخت عادل احمد لون ولد محمد رجب لون، محمد شفیع شیخ ولد غلام نبی شیخ اور سجاد احمد لون ولد محمد صادق لون نادیہال رفیع آباد کے رہائشی کے طور پر کی ہے۔
یہ بھی پڑھیں:اننت ناگ میں 4.258 کلوگرام منشیات ضبط، چار منشیات فروش گرفتار

سوپور پولیس نے عوام سے اپیل کی ہے کہ وہ منشیات یا دیگر جرائم سے متعلق کسی بھی جانکاری کو قریبی پولیس اسٹیشن کے ساتھ یا 112 ڈائل کرکے شیئر کریں۔ پولیس کا کہنا ہے کہ وہ کمیونٹی سے منشیات کے خلاف جنگ میں تعاون کرنے کی اپیل کرتے ہیں اور یقین دلاتے ہیں کہ مجرموں کے خلاف قانون کے مطابق سخت کارروائی کی جائے گی۔