زیڈ موڑ ٹنل کی خصوصیات، اسٹریٹجک اہمیت اور توقعات

وزیر اعظم نریندر مودی نے زیڈ موڑ ٹنل کا افتتاح کر دیا ہے۔ آئیے سرنگ کی خصوصیات اور اسٹریٹجک اہمیت پر ایک نظر ڈالتے ہیں۔

سری نگر:وزیر اعظم نریندر مودی نے آج جموں و کشمیر کے ضلع گاندربل میں اسٹریٹجک اہمیت کی حامل زیڈ موڑ سرنگ کا افتتاح کیا۔ یہ کشمیر اور لداخ کے درمیان ہر موسم میں رابطہ فراہم کرے گی، خاص طور سے حکومت اور افواج کو ان خطوں تک ہمہ وقت رسائی فراہم کرے گی جہاں ہندوستان اور چین کی فوجیں لائن آف ایکچول کنٹرول پر کشیدہ حالات میں تعینات ہیں۔

زیڈ موڑ ٹنل افتتاح کے لیے تیار (ETV Bharat)

زیڈ موڑ ٹنل خوبصورت سیاحتی مقام سونمرگ اور گاندربل ضلع کے کنگن شہر کے درمیان سال بھر اور تمام موسمی حالات میں رابطے کو یقینی بنائے گی۔ حالانکہ سونمرگ ناقابل رسائی رہے گا اور سردیوں کے مہینوں میں سری نگر اور وادی کے باقی حصوں سے منقطع رہے گا کیونکہ اسے جوڑنے والا واحد روڈ لنک ہی بھاری برف اور برف باری اور لینڈ سلائیڈنگ کا شکار رہے گا۔ زوجیلا ٹنل مکمل ہونے کے بعد یہ ٹنل لیہہ کے ساتھ بھی تمام موسمی رابطہ فراہم کرے گی جس کی ڈیڈ لائن 2028 ہے۔

وزیر اعظم مودی آج صبح نئی دہلی سے وادی کشمیر پہنچے اور صبح تقریباً 12:30 بجے سرنگ کا افتتاح کیا۔ یوٹی جموں و کشمیر میں نیشنل کانفرنس کے حکومت میں آنے کے بعد وزیر اعظم کا جموں و کشمیر کا یہ پہلا دورہ ہے اور 2014 میں مودی کے وزیر اعظم منتخب ہونے کے بعد سے یہ 12واں دورہ ہے۔

افتتاح کی تیاریوں کا جائزہ لیتے ہوئے وزیر اعلیٰ عمر عبد اللہ (ETV Bharat)

عمر عبد اللہ نے افتتاح کی تیاریوں کا جائزہ لیا

اس سے قبل وزیر اعلیٰ عمر عبداللہ نے جمعہ کی شام ٹنل کا دورہ کیا اور افتتاح کی تیاریوں کا جائزہ لیا۔ عمر نے ایکس پر تصاویر اور ویڈیوز پوسٹ کیں جنہیں وزیر اعظم نے دوبارہ پوسٹ کیا، جس سے دونوں رہنماؤں کے درمیان ترقیاتی منصوبوں پر دوستی کی نشاندہی ہوتی ہے۔

عمر عبد اللہ نے اتوار کو کہا کہ "سرنگ تمام موسموں میں رابطہ فراہم کرے گی اور سونمرگ میں موسم سرما کی سیاحت کو فروغ دے گی۔"

سکیورٹی کے سخت انتظامات

جس مقام پر وزیر اعظم عوام سے خطاب کرنے والے ہیں اسے ایک ہفتہ قبل ہی سکیورٹی فورسز اور انٹیلی جنس ایجنسیوں نے سیل کر دیا تھا۔ لیہہ سری نگر ہائی وے کو سنیچر (11 جنوری) سے پیر (13 جنوری) تک لیے بند رکھا گیا ہے اور اسے پی ایم کے پنڈال سے نکلنے کے بعد کھول دیا جائے گا۔

عہدیداروں نے بتایا کہ مقام اور اس سے متصل علاقوں کو ایس پی جی اہلکاروں نے اپنے قبضے میں لے لیا تھا، جب کہ سیکورٹی فورسز بشمول جموں و کشمیر پولیس اور دیگر نیم فوجی دستوں نے گاندربل اور دیگر علاقوں میں سخت حفاظتی حصار اور چوکسی برقرار رکھی تھی۔

گگنگیر کے علاقے میں بنی زیڈ موڑ سرنگ کو گذشتہ سال نومبر میں عسکریت پسندوں کے ایک مہلک حملے کا سامنا کرنا پڑا تھا جہاں تعمیراتی سائٹ پر کام کرنے والے چھ مزدور اور ایک مقامی ڈاکٹر مارے گئے تھے۔ حملے کے بعد سے حفاظتی اقدامات کو مزید سخت کر دیا گیا اور اس کے ارد گرد مزید نیم فوجی دستے تعینات کر دیے گئے۔

ٹنل کی اسٹریٹجک اہمیت

6.4 کلومیٹر پر پھیلی زیڈ موڑ سرنگ سیاحتی مقام سونمرگ کو ہر موسم میں قابل رسائی بناتی ہے اور اسے گاندربل ضلع کے کنگن شہر سے جوڑتی ہے۔ وہیں اس کی تزویراتی اور دفاعی اہمیت سیاحت سے کہیں زیادہ ہے۔ ایک اور ٹنل کے 2028 میں مکمل ہونے کے بعد یہ سرنگ گاندربل-لیہہ ہائی وے کو سال بھر کھلا رکھے گی۔

سرنگ کے اندر کا منظر (ETV Bharat)

اس شاہراہ سے مشرقی سرحد پر چین کے مد مقابل لائن آف ایکچوئل کنٹرول کے دفاع کے لیے لداخ میں تعینات فوج اور سیکورٹی فورسز کو سامان کی نقل و حمل، اور اسلحہ کی بلا رکاوٹ ترسیل میں کافی مددگار ہوگی۔ اس کے علاوہ روزمرہ کی دیگر اشیا بھی ہمہ وقت خطے میں پہنچائی جا سکیں گی۔ وہیں مقامی لوگوں کو توقع ہے کہ اس ٹنل کے افتتاح کے بعد خطے میں سیاحت کو فروغ ملے گا اور اس طرح ان کی روزی روٹی کے مواقع میں اضافہ ہوگا۔

یہ سرنگ جس کا نام سڑک کے زیڈ سائز والے حصے سے منسوب ہے، سندھ ندی سے 8,500 فٹ کی بلندی پر واقع ہے۔ 2012 میں تصور سرنگ سب سے پہلے بارڈر روڈز آرگنائزیشن نے تعمیر کی تھی لیکن بعد میں اسے نیشنل ہائی ویز اینڈ انفراسٹرکچر ڈیولپمنٹ کارپوریشن لمیٹڈ (NHIDCL) کے حوالے کر دیا گیا۔ دراصل اس سرنگ کو اگست 2023 تک مکمل ہونا تھا، تاہم اس منصوبے کو تاخیر کا سامنا کرنا پڑا، جس سے اس کا افتتاح ملتوی ہوا۔ فروری 2024 میں ایک سافٹ لانچ ہوا، لیکن جموں و کشمیر اسمبلی انتخابات کی وجہ سے سرکاری افتتاح میں تاخیر ہوئی۔