زرعی یونیورسٹی سکاسٹ کمپس واڈورہ میں پیپر لیس امتحان کا انعقاد

ضلع بارہمولہ کے سوپور میں قائم زرعی یونیورسٹی سکاسٹ کمپس واڈورہ میں اپنی نوعیت کے پہلے پہل میں انڈرگریجویٹ طلباء کے لیے ڈیجیٹل امتحانی پیڈز کا استعمال کرتے ہوئے پیپر لیس امتحان شروع کیا گیا۔

بارہمولہ:جموں و کشمیر کے ضلع بارہمولہ کے سوپور میں قائم زرعی یونیورسٹی سکاسٹ کمپس واڈورہ میں پہلی بار پیپر لیس امتحان کا انعقاد کیا گیا۔ امتحان میں بیٹھے بچوں کو ڈیجیٹل امتحانی پیڈ دیا گیا اور اس میں کاغذ کا استعمال نہیں کیا گیا۔اس پہل میں اسکاسٹ کمپس واڈورہ سوپور اور تمل ناڈو کی ایک کمپنی کے درمیان مفاہمت ہوئی اور پہلی بار اس قسم کا امتحان لیا گیا۔

اس دوران ڈین فیکلٹی آف ایگریکلچر پروفیسر ریحانہ حبیب کانتھ نے ڈیوٹی پر موجود سٹاف کے ارکان اور طلباء سے بات چیت کے بعد میڈیا کو بتایا کہ اس ڈیجیٹل ٹیکنالوجی کے ذریعے امتحانات کے انعقاد تشخیص اور نتائج کے اعلان کا سارا عمل پیپر کے استعمال کی جگہ لے گا۔

انہوں نے کہا کہ وائس چانسلر پروفیسر نذیر احمد گنائی کی کوششوں کی تعریف کی جنہوں نے جموں و کشمیر کے UT میں امتحانات کے اس طرح کے نظام کے انعقاد میں پہل کی۔ اس نے مزید کہا کہ سکاسٹ کمپس گرین اقدام مشن کا حصہ ہے اور اس قسم کے امتحن کو طلباء کی طرف سے صحت مند اور مثبت رائے ملی ہے۔

اس موقعے پر بچوں نے کہا کہ ہم خوش ہے کہ ہماری یونیورسٹی نے اس قسم کی پہل کی اور اس سے مستقبل میں کافی فائدہ مل سکتا ہے۔اس سے طلبا و طالبات کو نیا تجربہ ہو گا۔وہ جدید ٹیکنالوجی سے واقف ہوں گے۔