ترال پریمیئر لیگ فائنل میں نورپورہ ٹیم فاتح قرار

ترال پریمیئر لیگ کا 21 نومبر کو آغاز ہوا جبکہ فائنل میچ 24 نومبر کو بجوانی اسٹیڈیم میں کھیلا گیا، 16 ٹیموں نے شرکت کی۔

ترال : ترال پریمیئر لیگ 24 نومبر 2024 کو انڈور اسٹیڈیم، بجوانی میں سنسنی خیز فائنل میچ کے ساتھ کامیابی سے اختتام پذیر ہوا۔ جنوبی کشمیر کے ترال علاقے میں بدھ کو ترال پریمیئر لیگ کا فائنل نورپوراور ترال کی ٹیموں کے مابین کھیلا گیا جو نورپورہ کی ٹیم نے دلچسپ مقابلے میں جیت لیا اور اس طرح ترال پریمیئر لیگ کا فائنل نورپورہ کی ٹیم نے اپنے نام کر لیا۔

فائنل کی اختتامی تقریب میں رکن اسمبلی ترال رفیق احمد نایک نے مہمان خصوصی کے طور پر شرکت کی جبکہ ایس ڈی پی او ترال سہیل احمد ریشی نے بطور مہمان زی وقار کے بطور شرکت کی۔ فائنل میچ میں جیتنے والی ٹیم کو چوبیس ہزار روپئے نقد پرایز اور ٹرافی جبکہ رنر اپ ٹیم کو بارہ ہزار روپئے کیش پرایز اور رنر اپ ٹرافی سے نوازا گیا۔

اس موقع پر رکن اسمبلی ترال رفیق احمدنایک نے کھلاڈیوں پر کھیل کود کی سرگرمیوں میں شمولیت کےلئے زور دیا۔ میڈیا کے ساتھ بات کرتے ہوے رفیق احمد نایک نے بتایا کہ بجوانی اسپورٹس اسٹڈیم کی خستہ حالی کو لیکر انھوں نے کھیل کود کے وزیر ستیش شرما سے بات کی ہے اور موسم بہار میں وہ یہاں کا دورہ کرکے اس اسٹیڈیم کی کی عظمت رفتہ بحال کرنے کے لیے اقدامات کریں گے۔