سری نگر: طویل خشک موسم کے بعد محکمہ موسمیات نے آج (جمعہ) سے ہفتہ کی سہ پہر تک بارش کی پیش گوئی کی ہے۔ جمعے کی سہ پہر رک رک کر وقفہ وقفہ سے بارش ہو سکتی ہے۔ اس کے ساتھ ہی آسمان ابر آلود رہے گا۔ دیر رات بالائی علاقوں میں ہلکی برفباری اور بعض مقامات پرجموں کے کچھ علاقوں میں بارش بھی ہوئی ہے۔
محکمہ موسمیات کے عہدیدار نے خراب موسم کو مدنظر رکھتے ہوئے ایک ایڈوائزری بھی جاری کی ہے، جس میں کہا کیا گیا ہے کہ آج شام زوجیلا، رازدان پاس، سادھنا پاس، سنتھن ٹاپ، چھترگلہ اور مغل روڈ پر برف باری کی وجہ سے آمدورفت میں عارضی خلل پڑنے کا امکان ہے۔
محکمہ موسمیات نے ایڈوائزری جاری کرتے ہوئے سیاحوں، ٹریکروں اور مسافروں کو اس کے مطابق اپنے سفر کی منصوبہ بندی کرنے کو کہا ہے۔