سونہ مرگ سڑک حادثے میں ایک شخص جاں بحق، ایک شدید زخمی

جموں وکشمیر کے سونہ مرگ میں ایک خوفناک سڑک حادثے میں ایک شخص کی موت واقع ہو گئی ہے۔

کشمیر:سونہ مرگ میں پیش آئے ایک المناک سڑک حادثے میں ایک شخص کی موت واقع ہو گئی ہے۔ جبکہ دوسرا شدید زخمی ہو گیا ہے۔ ذرائع نے بتایا کہ ایک آئل ٹینکر اور ایک آلٹو گاڑی آپس میں ٹکرا گئیں دونوں گاڑیاں کر گل میں نمبر اور پنجاب نمبر سے رجسٹرڈ تھیں۔ اطلاعات کے مطابق اس ٹکر کے نتیجے میں ایک شخص محمد رزاق ولد محمد ہادی ہبہتلا ساکنہ کرگل جاں بحق ہو گیا۔

جبکہ ذاکر حسین ولد حاجی محمد ہادی شدید زخمی ہو گیا ہے۔ مقامی پولیس فوری طور پر موقع پر پہنچ گئی اور آئل ٹینکر کے ڈرائیور کو گرفتار کر لیا۔ حادثے کی وجوہات کا پتہ لگانے کے لیے تحقیقات شروع کر دی گئی ہیں۔

ایک اور واقعے میں سری نگر کے ایس پی کالج کے کھیل کے میدان میں منگل کو نامعلوم حملہ آوروں کی طرف سے مبینہ طور پر چاقو کے وار سے ایک 23 سالہ نوجوان زخمی ہو گیا۔ پولیس اسٹیشن کوٹھی باغ کو ایک مصدقہ اطلاع موصول ہوئی کہ ایس پی کالج گراؤنڈ میں چھرا گھونپنے کا واقعہ پیش آیا ہے اور متاثرہ کو ایس ایم ایچ ایس اسپتال سری نگر لے جایا گیا ہے۔