گلمرگ میں منفی درجہ حرارت میں بھی سیاحوں کا ہجوم

جموں وکشمیر کے مشہور سیاحتی مقام گلمرگ میں شدید سردی کے باجود سیاحوں کی آمد کا سلسلہ جاری ہے۔

گلمرگ:اس وقت وادی کشمیر شدید سردی کی زد میں ہے۔ ایسی میں اگر ہم شمالی کشمیر کے مشہور و معروف سیاحتی مقام گلمرگ کے ساتھ ساتھ ٹنگمرگ کی بات کرے تو شدید سردی کی وجہ سے کئی جگہوں پر پانی جم چکا ہے۔ اتنی سخت سردی کے باوجود سیاح گلمرگ کے ساتھ ساتھ ٹنگمرگ کے مشہور واٹر فال کے ساتھ ساتھ دیگر مقامات پر مستی کر رہے ہیں۔

واضح رہے کہ اس سال گلمرگ میں برفباری وقت پر ہونے سے ملک کے ساتھ ساتھ بیرونی ممالک سے سیاح گلمرگ کا رخ کر رہے ہیں۔ سیاحوں نے بتایا کہ گلمرگ ایک الگ دنیا ہے ہے۔ اگرچہ یہاں سردی کافی زیادہ ہے لیکن ہم اس کے باوجود گلمرگ کے مختلف علاقوں میں جاکے مزے کر رہے ہیں۔ انہوں نے کہا کہ کشمیر اب بدل چکا ہے اور ملک کی ہر ریاست سے لوگوں کو یہاں آنا چاہیے اور گومنا چاہیے کیونکہ یہ سچ میں جنت ہے۔


قابل ذکر ہے کہ گذشتہ چند مہینوں سے بارش نہیں ہو رہی تھی۔ سوپور قصبہ کی بات کریں تو یہاں کی آبادی میوہ صنعت پر منحصر ہے اور ایسے میں سوپور، رفیع آباد اور زنگیر میں وقت پر برفباری ہونا مقامی آبادی کے لئے کافی خوشی کی بات ہے اور سیب کے درختوں پر برف کا ہونا ایک دلفریب نظارہ پیش کرتا ہے۔

اس دوران وادی کشمیر کے مختلف علاقوں کے ساتھ ساتھ گاندربل کے میدانی علاقوں میں کچھ مقامات پر بارشیں بھی ہوئیں۔ اس کی وجہ سے سردی میں اضافہ ہوا ہے۔ ایک عہدیدار نے بتایا کہ روڈ سے برف ہٹانے کا کام شروع کر دیا گیا ہے۔ مشہور و معروف سیاحتی مقام گلمرگ میں بھی برفباری جاری ہے اور اسے دیکھ کر سیاحوں کے چہرے خوشی سے جوم اٹھے ہیں۔ وادی کشمیر کئی مقامات پر درجہ حرارت صفر سے نیچے ہے برف باری کا سلسلہ جاری ہے۔