سوپور میں اے ڈی سی کی مقامی باشندوں کے ساتھ میٹنگ

Public Meeting at Sopore: بارہمولہ کے سوپور میں اے ڈی سی شبیر رائنا کی نگرانی میں ایک عوامی میٹنگ کا انعقاد کیا گیا۔اس میٹنگ میں اے ڈی سی نے مقامی باشندوں سے بات چیت کی اور ان کے مسائل کے جلد سے جلد حل کرانے کی یقین دیانی کرائی

بارہمولہ: سوپور کے آرم پورہ میں اے ڈی سی سوپور شبیر رینا کی صدارت میں ایک اہم میٹنگ کا اہتمام کیا گیا اور اور اس دوران لوگوں کے مسئلے و مسائل حل کرنے کی کوشش کی گئی۔ اس موقعے پر آرم پورہ سوپور کے لوگوں نے سوپور انتظامیہ سے گزارش کی کہ ان کے علاقے میں ایک سبزی منڈی بنائی جائے کیونکہ آرم پورہ علاقے میں اکثر و بیشتر افراد سبزی کا کاروبار کرتے ہیں۔

دراصل اگر آرم پورہ سوپور کی بات کی جائے تو اس علاقے کے باشندے دہائیوں سے کاشتکاری سے وابستہ ہیں۔ اس علاقے کی سبزی کشمیر کی دیگر اضلاع میں بھی جاتی ہے اور اس سے ان لوگوں کا کاروبار چلتا ہے۔ اے ڈی سی سوپور شبیر رینا نے میڈیا کے ساتھ گفتگو کرتے ہوئے کہا کہ مقامی لوگوں نے اپنے جو مسئلے ہمارے سامنے رکھے ہیں، ہم کوشش کریں گے کہ وہ حل ہوں۔

انہوں نے کہا کہ اس علاقے میں بچوں اور نوجوانوں کے لیے کوئی بھی کھیل کود کا میدان نہیں ہے اور اس کے علاوہ ان لوگوں نے ایک اسکول کی بھی پیشکش کی ہے جو جائز ہے اور آنے والے وقت میں ہم ان کے مشکلات دور کرنے والے ہیں۔ لوگوں کے مسائل کو حل کرنا ہی ہمارا مقصد ہے۔