پلوامہ کے کریم آباد میں نماز استسقاء ادا کی گئی - ISTISQA PRAYERS AT KARIMABAD

پلوامہ ضلع میں واقع کریم آباد عیدگاہ میں گرمی کے قہر کے پش نظرنماز استسقاء کا اہتمام کیا گیا جس میں سینکڑوں لوگوں نے شرکت کی۔ پلوامہ میں گرمی سے لوگوں کا برا حال ہے۔

پلوامنہ: ملک کی دوسری ریاستوں کی مرکز کے زیر انتظام یوٹی جموں و کشمیر میں بھی شدید گرمی سے عام لوگوں کا برا حال ہے۔ رواں یوٹی جموں و کشمیر میں گرمی نے تمام ریکارڈ توڑے ہیں۔

جنوبی کشمیر کے ضلع پلوامہ میں آج شدید گرمی سے نجات کے لئے رحمت کی بارش کی دعا کی گئی۔ ضلع کے کریم آباد علاقے کے عید گاہ میں دو رکعت نماز استسقاء ادا کی گئی ۔ محکمہ موسمیات کے مطابق درجہ حرارت 36 ڈگری کو بھی پار کر چکا ہے۔ ایسے میں انسانی زندگی کے ساتھ پرندے اور جانوروں کا جینا بھی محال ہو رہا ہے۔

آسمانی تپش کو کم کرنے کے لیے اللہ کی بارگاہ میں رحمت کی بارش کے لیے پلوامہ کے کریم آباد عید گاہ میں کئی مسلمان بزرگ نوجوان اور بچوں نے اپنے نبی کے عمل کو زندہ رکھتے ہوئے دو رکعت نماز استسقاء ادا کی۔

اس سلسلے میں مولوی سعید عبدل رشید نے دو رکعت نماز ادا کراتے ہوئے اللہ کی بارگاہ میں کھڑے ہو کر اللہ سے رحمت کی بارش کے لیے خصوصی دعا کرائی۔ ساتھ ہی ملک میں امن و سلامتی بنی رہنے کے لئے بھی دعائیں کی گئی۔