انڈیا الائنس کا وجود امبیڈکر کے آئین کے تحفظ کیلئے عمل میں آیا ہے، ڈاکٹر فاروق عبداللہ - Farooq Abdullah on INDIA Alliance

Farooq Abdullah in Jammu نیشنل کانفرنس کے سرپرست اعلیٰ ڈاکٹر فاروق عبداللہ نے کہا کہ 'انڈیا الائنس مضبوط ہے اور کوئی بھی اس کو توڑ نہیں سکتا ہے، یہاں بھی روس اور چین کی طرح راج کرنے کی کوشش کی جا رہی ہے، لیکن انڈیا الائنس ایسا نہیں ہونے دے گا'۔

جموں:نیشنل کانفرنس کے صدر اور سابق وزیر اعلیٰ ڈاکٹر فاروق عبداللہ کا کہنا ہے کہ انڈیا الائنس کا وجود آئین کے تحفظ کے لئے عمل میں آیا ہے۔انہوں نے کہا کہ الائنس آئین کو دفن نہیں ہونے دے گا۔

موصوف صدر نے ان باتوں کا اظہار منگل کے روز جموں میں نامہ نگاروں کے سوالوں کے جواب دینے کے دوران کیا۔انہوں نے کہا: 'انڈیا الائنس کو آئین کے تحفظ کے لئے بنایا گیا، مجھے ڈر ہے کہ آئین کہیں ختم نہ ہوجائے'۔
ان کا کہنا تھا: 'یہاں بھی روس اور چین کی طرح راج کرنے کی کوشش کی جا رہی ہے، لیکن انڈیا الائنس ایسا نہیں ہونے دے گا'۔

ڈاکٹر فاروق عبداللہ نے کہا کہ وہ امیبڈکر جی کے آئین کی حفاظت کریں گے چاہئے، اس کے لئے انہیں جان بھی کیوں نہ دینا پڑے۔انہوں نے کہا: انڈیا الائنس مضبوط ہے اور کوئی بھی اس کو توڑ نہیں سکتا ہے'۔

سری لنکا کے کچاتھیو جزیرے معاملے کے سوال کے جواب میں انہوں نے کہا کہ "نیپال کے زیر قبضہ" بھارتی زمین کے بارے میں کچھ نہیں کیا اور وزیر اعظم نریندر مودی پر ہندوستان کی زمین بنگلہ دیش کو دی ہے۔

انہوں نے کہا کہ چین نے لداخ میں ہماری زمین پر قبضہ کیا ہے اور کل انہوں نے اروناچل پردیش کے گاؤں کے نام بھی لئے ہیں اور بی جے پی اس بارے میں کچھ نہیں کہیں گے۔

انہوں نے کہا کہ "جب آپ کسی کی طرف انگلی اٹھائیں، یاد رکھیں کہ تین انگلیاں بھی آپ کی طرف اٹھتی ہیں"

انہوں نے کہا کہ 'چین کے ساتھ بات چیت کا کوئی نتیجہ نہیں نکل رہا ہے، چین آگے بڑھ رہا ہے اس کے بارے میں کوئی بات نہیں کرتا ہے'۔

اروند کیجرول کی گرفتاری کے بارے میں انہوں نے کہا کہ ان کی گرفتاری سے عام آدمی پارٹی کو الیکشن میں فائدہ ملے گا۔ انہوں نے کہا کہ دہلی ، پنچاب میں الیکشن میں اچھی کارکردگی دکھائی گئی اور اس کا اثتر ہریانہ اور ہماچل پردیش پر بھی پڑے گا۔