سوپور : شمالی کشمیر میں سوپور ضلع کے گجرپتو زلورہ علاقے میں اتوار کو عسکریت پسندوں اور سیکورٹی فورسز کے درمیان شدید فائرنگ کا تبادلہ ہوا۔ رپورٹس میں کہا گیا ہے کہ عسکریت پسندوں کے ساتھ تصادم کے بعد پولیس، فوج اور سی آر پی ایف کی جانب سے بڑے پیمانہ پر شرچ آپریشن شروع ہوگیا۔ آخری اطلاع ملنے تک علاقہ میں انکاونٹر جاری ہے۔
کشمیر زون پولیس نے ایکس پر ایک پوسٹ میں کہا، "پولیس اور سیکورٹی فورسز کی طرف سے سوپور میں شروع کئے گئے ایک محاصرہ اور تلاشی آپریشن کے دوران، عسکریت پسندوں کے ٹھکانے کا پردہ فاش کیا گیا۔ فورسز نے علاقے کو گھیرے میں لے لیا ہے۔"