ہیلپ لائن بجبہاڑہ کی جانب سے مستحق افراد میں فُوڈ کٹس تقسیم

food kits distributed In Anantnag تنظیم کے چیف فنکشنری عادل رشید نے اس دوران معذور افراد سے اپیل کی کہ وہ مردم شماری میں اپنا نام درج کرائیں، تاکہ وہ آدھار کارڈ، نیشنل ٹرسٹ ایکٹ نرمایا کارڈ حاصل کر سکیں ۔

اننت ناگ:فلاح انسانیت کی تنظیم ہیلپ لائن بجبہاڑہ نے زیبہ آپا انسٹی ٹیوٹ آف انکلوسیو ایجوکیشن بجبہاڑہ میں ایک فُوڈ کٹس تقسیم کرنے کا ایک بڑا پروگرام منعقد کیا۔
اس موقع پر مستحق خاندانوں میں 100 فُوڈ کٹس تقسیم کی گئیں،جس دوران ضروری اشیاء سے بھرے فُوڈ کٹس حاصل کرنے والے افراد نے غیر سرکاری تنظیم ہیلپ لائن انتظامیہ کا شکریہ ادا کیا۔

استفادہ کنندگان کے درمیان مشاورتی اجلاس منعقد ہوا۔ تنظیم کے چیف فنکشنری عادل رشید نے کہا کہ معذور افراد معاشرے کا قیمتی حصہ ہیں۔ ہر قسم کے معذور افراد روزی روٹی کما سکتے ہیں، انہیں اپنے قوانین اور حقوق کا علم ہونا چاہیے۔

انہوں نے معذور افراد کے حقوق کے قانون 2016 پر تبادلہ خیال کیا۔ انہوں نے معذور افراد سے اپیل کی کہ وہ مردم شماری میں اپنا نام درج کرائیں، تاکہ وہ آدھار کارڈ، نیشنل ٹرسٹ ایکٹ نرمایا کارڈ حاصل کر سکیں ۔

انہوں نے کہا کہ فلاح انسانیت کی تنظیم ہیلپ لائن معذور افراد کو بااختیار بنانے کے لیے پرعزم ہے۔ اور مزید 100 سے زائد کٹس معذور افراد والے خاندانوں میں تقسیم کی جائیں گی۔ تنظیم کے چیئر مین اور پدمشری ایوارڈ یافتہ جاوید احمد ٹاک نے آن لائن پیغام کے ذریعے معذور افراد کو رمضان المبارک کے موقع پر مبارکباد دی۔