اننت ناگ:اننت ناگ میں پہلی بار قومی سائنس کانفرنس کا انعقاد عمل میں لایا گیا۔ اس سائنس کانفرنس میں ملک کے مشہور سائنس دانوں نے شرکت کی۔ اس طرح ٹاؤن ہال اننت ناگ میں پہلی قومی سائنس کانفرنس کا انعقاد کیا۔ جس میں اننت ناگ ضلع کے مختلف اسکولی طلبا و طالبات نے شرکت کی اور اپنے خیالات کا اظہار کیا۔ کانفرنس میں مختلف پروجیکٹس کی جانکاری دی گئی۔ اس موقع پر طالب علم کافی خوش نظر آئے۔ انہوں نے ای ٹی وی بھارت سے بات کرتے ہوئے کہا کہ ہمیں کافی خوشی ہو رہی ہے کہ ہمیں اننت ناگ میں اس طرح کی کانفرنس میں شرکت کرنے کا موقع فراہم ہوا۔ جہاں سے ہمیں کافی معلومات حاصل ہونے کے ساتھ ساتھ بہت ساری نئی ایجادات سیکھنے کا موقع ملا۔
اننت ناگ میں پہلی بار قومی سائنس کانفرنس ملک کے مشہور سائنس دانوں نے کی شرکت (ETV Bharat Urdu)
یہ بھی پڑھیں:
'کھیلوں میں ترقی اسپورٹس سائنس کے امتزاج کے بغیر ممکن نہیں'
اس تقریب کے مہمان خصوصی ڈاکٹر سری کرشنا پروفیسر اور ہیڈ ڈیپارٹمنٹ آف بائیو کیمسٹری، انسٹی ٹیوٹ آف سائنسز، بنارس ہندو یونیورسٹی اور مہمان خصوصی جناب ڈاکٹر شیکھر ادھیائے اسپیشل میڈیکل آفیسر ویسٹ بنگال تھے۔ دیگر معززین اور مہمانان بھی اس موقع پر موجود تھے۔ تقریب میں ڈاکٹر رانی اوجھا اسسٹنٹ پروفیسر پی جی آئی چندی گڑھ، ڈاکٹر شبیر احمد اسسٹنٹ پروفیسر مجمعہ یونیورسٹی سعودی عرب اور انوینٹ ایکس سائنسیا اور دیگر مختلف اسکولوں کے طلباء شامل ہیں۔
اننت ناگ میں پہلی بار قومی سائنس کانفرنس ملک کے مشہور سائنس دانوں نے کی شرکت (ETV Bharat Urdu) اس موقع پر مقررین نے بچوں پر زور دیتے ہوئے کہا کہ وہ اپنے ذہن کا صحیح استعمال کر کے بہت ساری نئی ایجادات کر سکتے ہیں۔ جس سے ان کا نام نہ صرف کشمیر میں بلکہ پوری دنیا میں مقبول ہو سکتا ہے۔ انہوں نے مزید کہا کہ اس طرح کی کانفرنس کا مقصد طلباء کو روبوٹکس، فلکیات، بائیوٹیکنالوجی اور بائیو انفارمیٹکس وغیرہ کے بارے میں آگاہ کرنا ہے۔ اس موقع پر اسکولوں کے طلباء سائنس کی ترقی سے متعلق مختلف موضوعات پر روشنی ڈالی۔
اننت ناگ میں پہلی بار قومی سائنس کانفرنس ملک کے مشہور سائنس دانوں نے کی شرکت (ETV Bharat Urdu) 
