ترال کے گلشن پورہ میں واقع جنگل میں آتشزدگی - Fire in forest in tral

ترال کے گلشن پورہ کے پتہ ہارڈ میں واقع جنگل میں آگ لگنے سے سنسنی پھیل گئی۔ محکمہ جنگلات اور مقامی انتظامیہ کی جانب سے آگ پر قابو ہانے کی بھر پور کوشش کی جا رہی ہے۔

ترال: وادی میں خشک موسمی صورتحال کی وجہ سے جنگلات میں آئے روز آتزشدگی کے واقعات میں تشویشناک اضافہ ہوا ہے۔ اس کی وجہ سے جنگلات اور پیٹر پودے کو بڑے پیمانے پر نقصان پہنچ ہورہا ہے۔ جنوبی کشمیر کے ترال سب ضلع میں بھی سے جنگلات میں آگ کی وارداتوں نے عام لوگوں کو تشویش میں مبتلا کر دیا ہے۔

گلشن پورہ کے پتہ ہارڈ کے جنگل میں لگی آگ نے اب نزدیکی جنگلات کو بھی اپنے لپیٹ میں لے لیاہے جبکہ یہ آگ مانع مر پہاڑیوں میں پھیل چکی ہے جسے بڑے پیمانے پر نقصان پہنچا ہے۔ آگ لگتے ہی محکمہ جنگلات، فارسٹ پروٹیکشن فورس، اور مقامی رضاکار آگ بجھانے کی کوششوں میں مڈروف گیے ہیں، تاہم جنگل کے وسیع علاقہ میں آگ بجھانے میں کافی کافی مشکلات سامنے آرہے ہیں۔

ای ٹی وی بھارت کے نمائندے شبیر بٹ نے گرؤانڈ زیرو پر پہنچ کر صورتحال کا جائزہ لیا، اس دوران معلوم ہوا ہے کہ محکمہ جنگلات کے ملازمین آگ پر قابو پانے کی کوششیں کر رہے ہیں، جبکہ مقامی رضاکار بھی محکمہ کے ساتھ ساتھ ہیں۔

مقامی باشندوں کا کہنا ہے خشک موسمی صورتحال کے دوران آگ کی وارداتوں میں اضافہ ہونا تو قدرتی بات ہے۔ تاہم محکمہ جنگلات میں ملازمین کی کمی، اور عملے کے پاس آگ بجھانے کے آلات نہ ہونا لمحہ فکریہ ہے۔حکومت کو اس جانب توجہ مرکوز کرنے کی ضرورت ہے۔