شوپیان کے کیلر میں دھرتی آبا جن جتیا گرام اتکرش ابھیان کے تحت پروگرام منعقد کیا گیا

جموں وکشمیر کے شوپیان میں دھرتی آبا جن جتیا گرام اتکرش ابھیان کے تحت ایک اہم پروگرام کا انعقاد کیا گیا

شوپیاں:جموں وکشمیر کے شوپیان کے کیلر علاقے میں آج دھرتی آبا جن جتیا گرام اتکرش ابھیان کے تحت ایک اہم پروگرام کا انعقاد کیا گیا، جو وزیر اعظم نریندر مودی کی جانب سے شروع کی گئی اسکیم کا حصہ ہے۔ یہ مہم گذشتہ سال 2 اکتوبر کو جھارکھنڈ میں شروع کی گئی تھی۔ اس تقریب میں ایم ایل اے اور ڈپٹی کمشنر شوپیان نے بطور مہمان خصوصی شرکت کی اور مقامی عوام سے خطاب کیا۔

اس موقعے پر اسکیم کی اہمیت کو اجاگر کرتے ہوئے بتایا گیا کہ یہ مہم ملک بھر کے 30 ریاستوں اور یونین ٹیریٹریز کے 549 اضلاع اور 2,911 ترقیاتی بلاکس میں پھیلے قبائلی اکثریتی دیہات کو شامل کرے گی۔ اس کے ذریعے 63,843 دیہات میں موجود 5 کروڑ سے زائد قبائلی آبادی کو بہتر سہولیات اور ترقیاتی مواقع فراہم کیے جائیں گے۔

پروگرام کے دوران ٹرائبل طبقے سے متعلق مختلف فلاحی اسکیموں پر روشنی ڈالی گئی اور قبائلی لوگوں کے لیے تعلیم، صحت، اور روزگار کے نئے مواقع فراہم کرنے کی یقین دہانی کرائی گئی۔ مقامی عوام نے اس مہم میں بڑھ چڑھ کر حصہ لیا اور اس اقدام کو سراہتے ہوئے حکومت کی کوششوں کو قبائلی عوام کی زندگیوں میں مثبت تبدیلی کا پیش خیمہ قرار دیا ہے۔