رہائشی مکانات اور ایک پرائمری اسکول میں دراڑ، باشندوں میں دہشت کا ماحول

Cracks in Many Houses رام بن ضلع کے بانہال کے ویگن ہلہ گاؤں میں تقریباً 35-40 رہائشی مکانات اور ایک پرائمری اسکول میں دراڑ پائے جانے کے سبب مقامی باشندوں میں دہشت کا ماحول ہے۔مقامی باشندوں کا کہنا ہے کہ قومی شاہراہ پر چار لائن کے تعمیراتی کاموں کے سبب ان کے گھروں میں دراڑ پڑگئی ہے۔

رامبن :ضلع رامبن کے بانہال میں واقع قومی شاہراہ پر چار لائن کے تعمیراتی کام کی وجہ سے گاوں کے بیشتر مکانات اور اسکولوں میں دراڑیں پڑنے کی اطلاع ہے۔اس واقعے کے رونما ہونے کے بعد مقامی باشندوں میں دہشت کا ماحول ہے۔ان میں شدید تشویش پائی جارہی ہے۔

ضلع ترقیاتی کمشنر رامبن نے نقصان کا پتہ لگانے کے لیے ایک ٹیم گاؤں بھیجی ہے۔مقامی باشندوں کا الزام ہے کہ قومی شاہراہ پر چار لین کی کٹائی سے ان کے مکانات کو نقصان پہنچا ہے۔ انہوں نے حکومت سے اپیل کی ہے کہ وہ اس معاملے کو نیشنل ہائی وے اتھارٹی آف انڈیا کے ساتھ اٹھائے اور مقامی لوگوں کی حفاظت کے لیے فوری اقدامات کرے۔

مقامی باشندوں کا کہنا ہے کہ ہمارے گھروں میں دراڑیں پڑ گئی ہیں۔ ہم خوفزدہ ہیں۔ ہمیں کوئی محفوظ جگہ منتقل کیا جانا چاہیے،ان کا مزید کہنا ہے کہ انہیں زمین کے بدلے زمین دی جائے تاکہ وہ وہاں اپنا گھر بنا سکیں۔ان کے کھیت بھی تباہ ہو چکے ہیں کیونکہ زمینیں منتقل ہو چکی ہیں۔ ان کا گاؤں اجڑنے کے دہانے پر ہے۔ کھیتوں میں اخروٹ، سیب، ناشپاتی اور دیگر خشک میوہ جات ہوتے تھے لیکن وہ درخت بھی اب ختم ہوئے ہیں۔